प्रसिद्ध बॉलीवूड अभिनेत्याचा एक व्हिडीओ समोर आला आहे. ज्यामध्ये तो झाडाखाली बसून केस कापून घेत आहे. झाडाखाली एक खुर्ची टाकली आहे, तिथे तो बसून न्हाव्याकडून केस कापून घेत आहे. जवळच एक बोर्ड दिसतोय, त्यावर केस कापण्यासाठी लिहिलेल्या किमतींनी लक्ष वेधून घेतलं आहे.
व्हिडीओत दिसणारा हा अभिनेता कार्तिक आर्यन आहे. त्याने त्याच्या इन्स्टाग्राम अकाउंटवरून एक व्हिडीओ शेअर केला आहे. ज्यामध्ये तो केस कापून घेताना दिसत आहे. तिथे केस कापण्याच्या किमतीची यादी असलेला बोर्डही आहे. हा व्हिडीओ पाहिल्यानंतर चाहते मजेशीर कमेंट करत आहेत. बोर्डवर हेअरकट – ५ रुपये, झाडाखाली हेअरकट – ७ रुपये आणि कार्तिक आर्यन स्टाइल हेअरकट – ३ रुपये, असं लिहिलं आहे. कार्तिकचा हा व्हिडीओ त्याचा आगामी चित्रपट ‘चंदू चॅम्पियन’च्या शूटिंगचा आहे.
‘सर्वात स्वस्त हेअरकट’, ‘कार्तिक आर्यन स्टाइलचे फक्त ३ रुपये?’ ‘केस कापण्याचे फक्त ३ रुपये असले तरी कार्तिक आर्यनचे केस अनमोल आहेत’,’ कार्तिक आर्यन हेअरस्टाइलच्या नावाखाली बाहेर पैसे लुटत आहेत’, ‘मी पण तिथेच येतोय हेअरकट करायला’, अशा कमेंट्स त्याच्या व्हिडीओवर नेटकऱ्यांनी केल्या आहेत.
