भारतीय क्रिकेटर के.एल.राहुल व सुनील शेट्टीची मुलगी अथिया शेट्टी सोमवारी (२३ जानेवारी) विवाहबंधनात अडकले. सुनील शेट्टीच्या खंडाळ्यातील फार्म हाऊसवर त्यांचा शाही विवाहसोहळा पार पडला. कुटुंबीय व नातेवाईकांच्या उपस्थितीत के.एल.राहुल व अथिया शेट्टी यांनी सप्तपदी घेतली. लेकीच्या लग्नानंतर सुनील शेट्टी खूप खूश असल्याचं दिसलं. “मी सासरा झालो”, असं म्हणत त्याने प्रसारमाध्यमांसमोर त्याचा आनंद व्यक्त केला. परंतु, अथिया के.एल.राहुलबरोबर सप्तपदी घेत असताना सुनील शेट्टी भावूक झाला होता. बॉलिवूड लाइफने दिलेल्या वृत्तानुसार, “सुनील शेट्टीचं व्यक्तिमत्त्व कूल अण्णा असं आहे. अथियाच्या लग्नात सुनील शेट्टी खूप आनंदी होता. पण के.एल.राहुलबरोबर सप्तपदी घेताना तो भावूक झालेला पाहायला मिळाला. लाडकी लेक सासरी चालल्याने त्याचे डोळे पाणावले होते”, असं अथिया व राहुलच्या लग्नात उपस्थितांपैकी एकाने सांगितलं आहे. हेही वाचा>>KL Rahul-Athiya Shetty Wedding: “मी सासरा झालो”, लेकीच्या लग्नानंतर सुनील शेट्टीचा आनंद गगनात मावेना, व्हिडीओ व्हायरल “अथिया शेट्टीचे वडील असूनही तिच्या लग्नात सुनील शेट्टी सगळ्यात जास्त व्यग्र होता. लग्नासाठी आलेल्या पाहुण्यांचा पाहुणचार आणि इतर गोष्टींकडे तो स्वत:हून लक्ष घालत होता. लग्नानंतर प्रसारमाध्यमातील व्यक्तींनाही तो स्वत: जाऊन भेटला आणि मिठाई वाटली”, असंही पुढे त्या व्यक्तीने सांगितलं. हेही पाहा>> KL Rahul-Athiya Shetty Wedding: अथिया शेट्टी-के.एल.राहुलने घेतली सप्तपदी, पाहा शाही विवाहसोहळ्यातील खास फोटो अथिया व के.एल.राहुल अनेक वर्षांपासून रिलेशनशिपमध्ये होते. त्यांना अनेक ठिकाणी एकत्र स्पॉटही करण्यात आलं होतं. आता त्यांनी लग्नगाठ बांधून नव्या आयुष्याला सुरुवात केली आहे. चाहत्यांसह बॉलिवूड व क्रिकेट विश्वातील सेलिब्रिटींना त्यांना शुभेच्छा दिल्या आहेत.
