scorecardresearch

KL Rahul-Athiya Shetty Wedding: “मी सासरा झालो”, लेकीच्या लग्नानंतर सुनील शेट्टीचा आनंद गगनात मावेना, व्हिडीओ व्हायरल

Athiya Shetty-KL Rahul Wedding: लेकीच्या लग्नानंतर सुनील शेट्टीचा व्हिडीओ व्हायरल

KL Rahul-Athiya Shetty Wedding: “मी सासरा झालो”, लेकीच्या लग्नानंतर सुनील शेट्टीचा आनंद गगनात मावेना, व्हिडीओ व्हायरल
अथिया शेट्टी-के.एल.राहुल अडकले विवाहबंधनात. (फोटो: लोकसत्ता ग्राफिक्स टीम)

भारतीय क्रिकेटर के.एल.राहुल व अभिनेत्री अथिया शेट्टी विवाहबंधनात अडकले आहेत. सुनील शेट्टीच्या खंडाळ्यातील फार्म हाऊसवर अथिया व राहुलचा शाही विवाहसोहळा पार पडला. नातेवाईक व कुटुंबियांच्या उपस्थितीत अथिया व राहुलने लग्नगाठ बांधत नवीन आयुष्याला सुरुवात केली.

अथिया व के.एल.राहुलच्या लग्नाची बातमी सुनील शेट्टीने प्रसारमाध्यमांना दिली आहे. त्यांच्या लग्नानंतर सुनील शेट्टीने मुलगा अहान शेट्टीबरोबर पापाराझींना प्रतिक्रिया दिली. इन्स्टंट बॉलिवूड या इन्स्टाग्राम पेजवरुन सुनील शेट्टीचा व्हिडीओ शेअर करण्यात आला आहे. अथिया व के.एल.राहुलच्या लग्नाबाबत बोलताना सुनील शेट्टीचा आनंद गगनात मावेनासा झाला होता. “लग्न झालं आहे. सप्तपदीही घेऊन झाल्या आहेत. मी आता सासरा झालो”,असं सुनील शेट्टी व्हिडीओत बोलताना दिसत आहे.

हेही वाचा>>के.एल.राहुल-अथिया शेट्टीच्या लग्नानंतर सुनील शेट्टीची पहिली प्रतिक्रिया, म्हणाला…

हेही वाचा>> के.एल.राहुल-अथिया शेट्टीची लगीनघाई, अभिनेत्रीला हळद लावतानाचा फोटो व्हायरल

लग्नानंतर सुनील शेट्टी व अहान शेट्टीने पापाराझींना फोटोसाठी पोझ दिल्या. सुनील शेट्टीने पापाराझींना मिठाई वाटत त्यांचे आभार मानले. याचा व्हिडीओ सोशल मीडियावर व्हायरल होत आहे. लेकीच्या लग्नात सुनील शेट्टीने खास लुंगी व सदरा असा पेहराव केला होता. अथिया व के.एल.राहुलच्या लग्नातील सुनील शेट्टीचे फोटो सोशल मीडियावर व्हायरल होत आहेत.

हेही पाहा>> Photos: अथिया शेट्टीच्या वाढदिवशी के.एल.राहुलने दिलेली प्रेमाची कबुली, जाणून घ्या त्यांची फिल्मी लव्हस्टोरी

के.एल.राहुल व अथिया शेट्टी गेल्या अनेक वर्षांपासून रिलेशनशिपमध्ये होते. त्यांना अनेक ठिकाणी एकत्र स्पॉटही करण्यात आलं होतं. आता लग्नगाठ बांधत त्यांनी नव्या आयुष्याला सुरुवात केली आहे.

मराठीतील सर्व बॉलीवूड ( Bollywood ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 23-01-2023 at 19:01 IST

संबंधित बातम्या