‘मुंज्या’ चित्रपट बॉक्स ऑफिसवर दमदार कमाई करत आहे. कोकणातील लोककथेवर आधारित हा चित्रपट पाहण्यासाठी प्रेक्षकांची गर्दी होत आहे. परिणामी चित्रपटाने अवघ्या सहा दिवसांत बजेट वसूल केलं आहे. वीकेंडला दमदार कमाई करणाऱ्या या चित्रपटाने वीक डेजमध्येही चांगली कमाई केली आहे. चित्रपटाचे सहा दिवसाचे कलेक्शन किती ते जाणून घेऊयात.

‘मुंज्या’ चित्रपटाने रिलीजच्या पहिल्याच दिवशी ४.२१ कोटी रुपयांची कमाई केली होती. दुसऱ्या दिवशी चित्रपटाच्या कलेक्शनमध्ये ८१.२५ टक्क्यांनी वाढ झाली आणि त्याने ७.४० कोटींचा व्यवसाय केला. ‘सॅकनिल्क’च्या, ट्रेंड रिपोर्टनुसार, या सिनेमाने तिसऱ्या दिवशी म्हणजेच रविवारी ८.४३ कोटी रुपयांची कमाई केली. ‘मुंज्या’चे तीन दिवसांचे बॉक्स ऑफिस कलेक्शन २०.०४ कोटी झाले होते.

Vicky Kaushal
वाळू माफियांनी मला जवळपास बदडून काढलं होतं; विकी कौशलने ‘गँग्स ऑफ वासेपूर’वेळचा सांगितला किस्सा
Kalki 2898AD
प्रभासच्या Kalki 2898AD चित्रपटाने शाहरुख खानच्या ‘पठाण’ला टाकले मागे, पण…
Kalki 2898AD
‘कल्की : २८९८ एडी’चा जगभरात जलवा! प्रभासच्या चित्रपटाने केला हजार कोटींचा टप्पा पार
Baii Ga Marathi movie Collection
‘बाई गं’ सिनेमाकडे प्रेक्षकांनी फिरवली पाठ, Swapnil Joshi च्या चित्रपटाने कमावले फक्त ‘इतके’ लाख
6 low budget movie became blockbuster
कमी बजेटच्या ‘या’ ६ चित्रपटांनी गाजवले बॉक्स ऑफिस, एकाने तर ८ कोटींच्या खर्चात कमावले १०४ कोटी, OTT वर आहेत सर्व सिनेमे
gaurav more write special post for satya movie
२६ वर्षांपूर्वीच्या बॉलीवूड चित्रपटासाठी गौरव मोरेची खास पोस्ट! शाहरुख-सलमान नव्हे तर ‘या’ अभिनेत्याने साकारलीये प्रमुख भूमिका
July movie web series list
जुलैच्या पहिल्या आठवड्यात ‘मिर्झापूर ३’सह प्रदर्शित होणार ‘हे’ सुपरहिट चित्रपट अन् वेब सीरिज, जाणून घ्या यादी
Kalki 2898 AD Box Office Collection Day 1
दुसऱ्या दिवशी Kalki 2898 AD च्या कमाईत घट, पण तरीही मोडले ‘या’ चित्रपटांचे रेकॉर्ड्स; वाचा एकूण कलेक्शन

कोकणातील ‘मुंज्या’ने चौथ्या दिवशी केली दमदार कमाई, चित्रपटाचं एकूण कलेक्शन किती? जाणून घ्या

‘मुंज्या’ चित्रपटाने सोमवारी म्हणजेच चौथ्या दिवशी ३.७५ कोटी रुपयांची कमाई केली. त्यानंतर पाचव्या दिवशी ‘मुंज्या’ने ४.१५ कोटी रुपये कमावले. आता या चित्रपटाच्या सहाव्या दिवशी म्हणजेच बुधवारच्या कमाईचे प्रारंभिक आकडे समोर आले आहेत. ‘सॅकनिल्क’ च्या सुरुवातीच्या ट्रेंड रिपोर्टनुसार, ‘मुंज्या’ ने रिलीजच्या सहाव्या दिवशी ३.७५ कोटी रुपयांची कमाई केली आहे. यासह ‘मुंज्या’चे सहा दिवसांचे एकूण कलेक्शन आता ३१.१५ कोटी रुपये झाले आहे.

कोकणातील लोककथेवर आधारित ‘मुंज्या’ची प्रेक्षकांमध्ये क्रेझ, मुख्य भूमिका करणारी शर्वरी म्हणते, “महाराष्ट्रीय असल्याचा अभिमान…”

‘मुंज्या’ चित्रपटाचं बजेट ३० कोटी रुपये आहे. बजेटची रक्कम या चित्रपटाने रिलीजच्या अवघ्या सहा दिवसांत वसूल केली आहे. बॉक्स ऑफिसवर अवघ्या सहा दिवसांत चित्रपटाने ३१.१५ कोटी रुपयांचा गल्ला जमवला आहे. सिनेमाला प्रेक्षकांचा मिळणारा प्रतिसाद पाहता तो एक आठवडा पूर्ण होण्याआधीच बजेटची रक्कम वसूल करेल, असे अंदाज वर्तवले जात होते ते खरे ठरले आहेत.

सोनाक्षी सिन्हा-झहीर इक्बालच्या लग्नाबद्दल शत्रुघ्न सिन्हा म्हणाले, “आजकालची मुलं आई-वडिलांची…”

‘मुंज्या’ हा ‘स्त्री’, ‘रूही’ आणि ‘भेडिया’ नंतर मॅडॉक सुपरनॅचरल युनिव्हर्सचा चौथा चित्रपट आहे. हा चित्रपट लिजेंड ऑफ मुंज्याभोवती फिरतो. कोकणातील लोककथांवर आधारित हा चित्रपट आहे. या हिंदी चित्रपटात शर्वरी वाघ, अभय वर्मा, मोना सिंह यांच्याबरोबरच सुहास जोशी, अजय पूरकर, भाग्यश्री लिमये, श्रुती मराठे हे कलाकार आहेत. या चित्रपटाचं दिग्दर्शन आदित्य सरपोतदार यांनी केलं आहे.

महाराष्ट्राच्या दिवंगत माजी मुख्यमंत्र्यांची नात आहे ‘मुंज्या’तील अभिनेत्री, कतरिना कैफच्या दिराशी जोडलं जातंय नाव

“मला महाराष्ट्रीय असल्याचा अभिमान आहे, त्यामुळे मराठी लोककथेवर आधारित चित्रपटाला मिळणारं इतकं प्रेम पाहून आणि लोक त्याचं कौतुक करत आहेत हे पाहणं खूप छान वाटतंय. महाराष्ट्रीय लोककथा राष्ट्रीय स्तरावर गाजत आहेत आणि त्यावर बनलेला एक चित्रपट हिट होतोय, हे पाहून मला खूप आनंद होतोय,” असं या चित्रपटाच्या यशावर अभिनेत्री शर्वरी वाघ म्हणाली.