नीना गुप्ता यांचा पहिला बॉयफ्रेंड होता ‘हा’ अभिनेता; दोघेही एकत्र आलेले मुंबईत, तुम्ही ओळखलंत का?

नीना गुप्ता व त्यांच्या पहिल्या बॉयफ्रेंडने मोठ्या पडद्यावर सासरा व सुनेची भूमिका साकारली होती. हा अभिनेता नेमका कोण? असा प्रश्न तुम्हालाही पडला असेल. तर या अभिनेत्याचं नाव आलोक नाथ. नीना गुप्ता व आलोक नाथ एकेकाळी रिलेशनशिपमध्ये होते. त्यांच्याबरोबरच त्या पहिल्यांदा मुंबईला आल्या होत्या.

नीना गुप्ता व आलोक नाथ यांची भेट

नीना गुप्ता आणि आलोक नाथ यांची भेट दिल्लीतील नॅशनल स्कूल ऑफ ड्रामा (NSD) मध्ये झाली होती. तिथेच त्यांच्यात प्रेमसंबंध निर्माण झाले. नीना गुप्ता यांनी त्यांच्या ‘सच कहूं तो’ या आत्मचरित्रात या नात्याचा उल्लेख केला आहे. आलोक नाथ यांना नॅशनल स्कूल ऑफ ड्रामामध्ये प्रवेश मिळाला. शिकत असतानाच त्यांना १९८२ मध्ये आलेल्या गांधी चित्रपटात भूमिका मिळाली होती. ज्यामध्ये नीना गुप्ता देखील होत्या. दोघांनी १९८६ साली आलेल्या रमेश सिप्पी आणि ज्योती सरूप दिग्दर्शित ‘बुनियाद’ या मालिकेतही एकत्र काम केले. बुनियाद या मालिकेतूनच त्यांना खरी ओळख मिळाली. यामध्ये आलोक नाथ यांनी मास्टर हवेली रामची भूमिका केली होती, तर नीना गुप्ता यांनी आलोक नाथ यांची सून रज्जोची भूमिका केली होती. सुरुवातीला ते रिलेशनशिपमध्ये होते, पण त्यांचं नातं लग्नापर्यंत पोहोचलं नाही.

का वेगळे झाले आलोक नाथ व नीना गुप्ता?

नीना गुप्ता यांच्या मते, हे नातं फार काळ टिकू शकलं नाही कारण त्यावेळी दोघांचीही ध्येये वेगळी होती. त्या काळात या दोघांचा साखरपुडा देखील झाला होता, परंतु काही कारणास्तव तो मोडला आणि ते वेगळे झाले. दुसरीकडे आलोक नाथ यांच्या वडिलांचा या नात्याला विरोध होता, असंही म्हटलं जातं. आज अनेक दशकांनंतरही हे दोघेही एकमेकांचा आदर करतात. बद्दल आदर बाळगून आहेत. तरुणपणी घेतलेले ते निर्णय त्यावेळच्या परिस्थितीनुसार होते आणि आता त्या गोष्टींबद्दल कोणतीही कटुता मनात नाही, असं नीना गुप्ता सांगतात.

नीना गुप्तापासून वेगळे झाल्यावर आलोक नाथ यांनी आशू सिंहशी लग्न केलं. तर नीना गुप्तांच्या आयुष्यात नंतर विवियन रिचर्ड्स आले. अफेयरमधून त्यांची मुलगी मसाबाचा जन्म झाला. त्यानंतर बऱ्याच वर्षांनी २००८ साली नीना यांनी पन्नाशीत विवेक मेहरा यांच्याशी लग्न केलं.