आपल्या सुमधूर आवाजाने प्रेक्षकांना मंत्रमुग्ध करणारी पलक मुच्छाल ही सामाजिक कार्यातही अग्रेसर आहे. पलक गरजू मुलांच्या उपचाराचा खर्च उचलते. आतापर्यंत तिच्या मदतीने जवळपास ३ हजार मुलांच्या हार्ट सर्जरी करण्यात आल्या. ज्या मुलांना हृदयाशी संबंधित विकार असतात व त्यांचा खर्च कुटुंबीय उचलू शकत नसतील, अशा मुलांची मदत पलक करते. आज पलक इंडियन एक्सप्रेसच्या द सुवीर सरन शोमध्ये तिचं करिअर व समाजकार्याची आवड याबद्दल बोलणार आहे.