बॉलीवूड अभिनेत्री परिणीती चोप्रा आणि ‘आम आदमी पार्टी’चे खासदार राघव चड्ढा यांचा साखरपुडा दिल्लीत संपन्न झाला. या सोहळ्याला बॉलीवूडसह राजकीय क्षेत्रातील अनेक दिग्गज मान्यवरांनी हजेरी लावली होती. साखरपुडा झाल्याची माहिती दिल्यावर राघव-परिणीतीवर सर्वांनी शुभेच्छांचा वर्षाव केला. या नवीन जोडप्याला सर्वांनी भरभरून आशीर्वाद दिल्यावर परिणीतीची आई ‘रीना चोप्रा’ यांनीही आपल्या लेकीसाठी आणि जावयासाठी सोशल मीडियावर एक भावुक पोस्ट शेअर केली आहे.

हेही वाचा : “हा शेवटचा चित्रपट…” ‘द केरला स्टोरी’ फेम अदा शर्माचे वक्तव्य, म्हणाली “पुन्हा संधी मिळेल की नाही…”

March 2024 Monthly Horoscope in Marathi
March 2024 Monthly Horoscope : मार्च महिन्यात या तीन राशींचे बदलणार नशीब? वैवाहिक जीवन, करिअर अन् आर्थिक लाभ; ज्योतिषशास्त्र काय सांगते…
personality of jacob rothschild
व्यक्तिवेध : जेकब रोथशील्ड
singer suresh wadkar praises pm narendra modi
उलटा चष्मा : दिव्यत्वाची प्रचीती…
Science Day is Not just to celebrate but to practice it
विज्ञान दिन साजरा करण्यासाठी नव्हे, आचरणात आणण्यासाठी…

परिणीती आणि राघव यांचा फोटो शेअर करीत ‘रीना चोप्रा’ लिहितात, “तुमच्या आयुष्यात अशा काही घटना घडतात की, ‘देव’ आहे यावर तुमचा विश्वास बसतो. आमच्या आयुष्यात आलेला हा सुंदर प्रसंग त्याचेच एक उदाहरण आहे…यासाठी मी देवाचे मनापासून आभार मानते. तसेच तुम्ही सर्वांनी दिलेल्या शुभेच्छा आणि आशीर्वाद यासाठी मन:पूर्वक धन्यवाद!” ही भावुक पोस्ट शेअर करीत ‘रीना चोप्रा’ यांनी मुलीला आणि जावयाला आशीर्वाद दिले आहेत.

हेही वाचा : “सेटवर सोडतोस का?” अनोळखी व्यक्तीबरोबर ‘बिग बीं’ची बाईक राईड, नेटकरी म्हणतात…

परिणीतीच्या आईने साखरपुडा सोहळ्यातील अनेक फोटो सोशल मीडियावर शेअर केले होते. या फोटोंमध्ये राघव-परिणीतीसाठी संपूर्ण चोप्रा कुटुंबीय आनंदी असल्याचे दिसून येत आहे. तसेच या कार्यक्रमासाठी अभिनेत्री प्रियांका चोप्रा खास भारतात आली होती. तिनेही आता आपल्या बहिणीवर शुभेच्छांचा वर्षाव केला आहे.

दरम्यान, परिणीती शेवटची अमिताभ बच्चन, अनुपम खेर आणि बोमन इराणी यांच्यासोबत सूरज बडजात्याच्या ‘उंचाई’ चित्रपटात दिसली होती. लवकरच इम्तियाज अलीच्या ‘चमकिला’मध्ये परिणीती दिलजीत दोसांझबरोबर काम करणार आहे.