बॉलीवूड अभिनेत्री परिणीती चोप्रा आणि 'आप'चे खासदार राघव चड्ढा लवकरच लग्नबंधनात अडकणार आहेत. परिणीती-राघव यांचा १३ मे रोजी दिल्लीत साखरपुडा झाला. या साखरपुड्याचे फोटो आणि व्हिडीओ सोशल मीडियावर व्हायरल झाले आहे. आता दोघांच्या साखरपुड्याचा एक इनसाइड व्हिडीओ समोर आला आहे, ज्यामध्ये परिणीती आणि राघवची केमिस्ट्री पाहायला मिळत आहे. हा व्हिडीओ सोशल मीडियावर व्हायरल होत आहे. हेही वाचा- लग्नाआधी मुलगी गरोदर असल्याचं कळताच नेहा धुपियाच्या आई-वडिलांना ठेवली होती ‘ही’ मोठी अट, खुलासा करत अभिनेत्री म्हणाली… या व्हिडीओमध्ये परिणीती आणि राघव दोघेही स्टेजवर उभे आहेत. परिणीतीच्या हातात माईक आहे आणि ती म्हणतेय की, सगळे म्हणायचे, परिणीती यार मुलगा शोध. यानंतर परिणीती राघवकडे बोट दाखवते आणि 'हा ठीक आहे?' असं म्हणत आपल्या कुटुंबाला प्रश्न विचारते. परिणीतीचा हा प्रश्न ऐकून चोप्रा कुटुंबाने ओरडून होकार दिल्याचे व्हिडीओत दिसत आहे. यानंतर परिणीती म्हणते की, चोप्रांनी होकार दिला आहे. यानंतर परिणीतीने सासरच्या मंडळींना विचारले की, आता चड्ढाज तुम्ही स्वीकार करता का? परिणीतीच्या या प्रश्नावर प्रत्येक जण आनंदाने ओरडू लागतो. हा व्हिडीओ सोशल मीडियावर चांगलाच व्हायरल झाला आहे. https://www.instagram.com/p/CsTnxxCI5pP/?utm_source=ig_embed&utm_campaign=embed_video_watch_again परिणीती आणि राघव यांनी साखरपुड्यात जबरदस्त डान्सही केला. या व्हिडीओमध्येही परिणीती आणि राघव 'मेरा लौंग गावचा' गाण्यावर गायक मिकासोबत स्टेजवर डान्स करताना दिसत आहेत. राघवही परिणीतीसोबत ताल जुळवताना दिसत आहे. हेही वाचा- “तो चित्रपट केवळ हृतिकसाठी…” करीना कपूरने सांगितलेलं ‘कहो ना प्यार है’मध्ये काम न करण्यामागील कारण परिणीती आणि राघवच्या लग्नाची बरीच चर्चा आहे. बातम्यांनुसार दोघेही ऑक्टोबरमध्ये लग्न करू शकतात. दोघांचे कुटुंबीय शाही लग्नाच्या तयारीत आहेत, ज्यात बॉलीवूड आणि राजकारणातील नामांकित व्यक्ती हजेरी लावणार आहेत. परिणीती आणि राघव यांचे लग्न दिल्लीत किंवा राजस्थानमधील एका शाही ठिकाणी होण्याची शक्यता आहे.