बॉलीवूड अभिनेत्री परिणीती चोप्रा आणि आम आदमी पक्षाचे खासदार राघव चड्ढा नुकतेच विवाह बंधनात अडकले. २४ सप्टेंबरला राजस्थानमधील उदयपूर येथे परिणीती आणि राघव यांच्या शाही लग्न सोहळा संपन्न झाला. तर आता त्यांच्या लग्नात प्रियांका चोप्रा हिच्या आईने काही खास भेटवस्तू दिली का, याचा खुलासा स्वतः त्यांनी केला आहे.
परिणीती आणि राघव यांच्या लग्नाला त्यांचे जवळचे मित्रमंडळी आणि नातेवाईक उपस्थित होते. परिणीतीचे मोठी चुलत बहिण प्रियांका चोप्रा कामानिमित्त तिच्या या शाही विवाह सोहळा उपस्थित राहू शकली नाही. मात्र तिची आई मधु चोप्रा या लग्नाला आवर्जून उपस्थित होत्या.
मधु चोप्रा आणि परिणीती चोप्रा एकमेकांचे जवळचे नातेवाईक असल्यामुळे त्यांनी परिणीती आणि तिच्या कुटुंबीयांना लग्नाचं काय खास गिफ्ट दिलं हे जाणून घेण्यासाठी त्यांचे चाहते खूप उत्सुक होते. तर आता भेटवस्तूबद्दल मधु चोप्रा यांनी भाष्य केलं आहे. विवाह सोहळ्यानंतर परतताना विमानतळावर त्यांनी पापारझींशी संवाद साधला. त्यावेळी गिफ्टबद्दल विचारल्यावर त्या म्हणाल्या, “मी परिणीती आणि तिच्या कुटुंबीयांना काहीही खास भेटवस्तू दिलेली नाही. त्यांनी भेटवस्तू घेण्यास नकार दिला होता. त्यांनी या लग्नात गिफ्टची कोणतीही देवाण-घेवाण केली नाही. त्यामुळे माझे आशीर्वाद हीच मी त्यांना दिलेली मोलाची भेट आहे.”
तर आता मधु चोप्रा यांचं हे बोलणं खूप चर्चेत आलं आहे. तर आता या व्हिडिओवर कमेंट करत नेटकरी विविध प्रतिक्रिया देत आहेत.
