ड्रामा क्वीन राखी सावंत गेल्या काही दिवसांपासून तिच्या लग्नामुळे चर्चेत आहे. बॉयफ्रेंड आदिल खानबरोबर तिने सात महिन्यांपूर्वी गुपचूप लग्न उरकलं. दोघंही सध्या एकत्र राहत आहेत. मात्र राखीने आदिलच्या कुटुंबियांवर गंभीर आरोप केले आहेत. तर दुसरीकडे अभिनेत्री राखी सावंतला मुंबईतील आंबोली पोलिसांनी अटक केली आहे. एका मॉडेलचा फोटो व्हायरल केल्याचा आरोप राखी सावंतवर करण्यात आला आहे. राखीच्या अटकेपूर्वीचा व्हिडीओ सोशल मीडियावर व्हायरल झाला आहे. या व्हिडीओमध्ये ती आदिलच्या कुटुंबियांवर आरोप करताना दिसत आहे. याआधी आदिलने राखीबरोबर लग्न केलं असल्याचं मान्य केलं नव्हतं. पण आता राखीशी लग्नगाठ बांधली असल्याच्या खुलासा आदिलने केला. आणखी वाचा - Breaking: अभिनेत्री राखी सावंतला अटक! राखीचे सासरच्या मंडळींवर गंभीर आरोप राखी म्हणाली, "लग्नाला सात महिने झाले आहेत. आदिल व माझं आयुष्य सुखी आहे. पण काही लोक आहेत जे मला व आदिलला वेगळं करु इच्छित आहेत. मला मीडियासमोर सगळ्याच गोष्टी सांगता येत नाहीत. मला मीडिया ट्रायल नको आहे. आदिल माझ्यावर खूप प्रेम करतो. माझं आदिलवर खूप प्रेम आहे." "पण आदिलला त्याची काही लोकं म्हैसूर येथे बोलावत आहेत. त्याला विविध गोष्टी सांगून म्हैसूरला घेऊन जाण्याचा प्रयत्न करत आहेत. पैसे दाखवून त्याला बदलण्याचा प्रयत्न करत आहेत. पण माझा आदिल पैश्यांकडे दुर्लक्ष करणारा आहे. माझं कसं नशीब आहे? लग्न करुनही मला सुख नाही. माझा नवरा मुस्लिम आहे तर मी बुरखा परिधान करणारच. मी नमाजही पाडणार." राखीच्या या वक्तव्यानंतर तिचं वैवाहिक आयुष्य पुन्हा एकदा चर्चेत आलं आहे.