Rakhi Sawant Divorce : गेल्या बऱ्याच दिवसांपासून राखी सावंत व तिचा पती आदिल खान दुर्रानी यांच्यामधील वाद चर्चेचा विषय ठरत होता. आदिल विरोधात राखीने अनेक गंभीर आरोप केले. आदिलसह त्याच्या कुटुंबियांबाबतही राखीने भाष्य केलं होतं. वाद होऊनही आदिलला घटस्फोट देणार नसल्याचं राखी सातत्याने म्हणत होती. पण आता तिने युटर्न घेतला आहे. राखी लवकरच आदिलपासून विभक्त होणार आहे. याबाबत तिने स्वतः भाष्य केलं आहे.

या बातमीसह सर्व प्रीमियम कंटेंट वाचण्यासाठी साइन-इन करा

काय म्हणाली राखी सावंत?

‘इटाइम्स’ला दिलेल्या मुलाखतीमध्ये राखीने म्हटलं की, “माझ्यासाठी सगळ्यात आनंदाची गोष्ट ही आहे की, येत्या काळामध्ये मी लवकरच घटस्फोट घेणार आहे. आता मी स्वतंत्र्यपणे जगू इच्छित आहे. माझ्या आयुष्यामध्ये मला पुढे जायचं आहे. आता आदिल खान दुर्रानीबरोबर कोणत्याही मुलीला लग्न करायचं असेल तर ती करू शकते”.

आणखी वाचा – लग्न, सात वर्षांचा संसार, घटस्फोट अन्…; वर्षभरापूर्वी सुप्रसिद्ध अभिनेत्या गुपचूप उरकलं दुसरं लग्न, मुलगी झाल्यानंतर म्हणाला, “मला आता…”

“त्याच्याशी कोणीही लग्न केलं तरी मला फरक पडत नाही. मला आता या सगळ्यामधून बाहेर पडायचं आहे”. राखीने लवकरच घटस्फोट घेणार असल्याचं आता स्पष्टपणे सांगितलं आहे. गेल्या काही दिवसांपासून राखीचे नवनवीन व्हिडीओ सोशल मीडियावर व्हायरल झाले होते. इतकंच नव्हे तर तिने आदिलच्या राहत्या घरी जाऊन त्याच्या आई-वडिलांशीही संवाद साधण्याचा प्रयत्न केला आहे.

आणखी वाचा – चुलत बहिणीबरोबरच दीपिका पदुकोणच्या वडिलांनी थाटला संसार, अभिनेत्रीच्या वडिलांचा मोठा खुलासा, म्हणाले…

आदिल तिला मारहाण करायचा तसेच त्याचं अफेअरही होतं असे अनेक आरोप राखीने केले. राखी व आदिलने मे २०२२ मध्ये कोर्ट मॅरेज केलं होतं. लग्नाच्या सात महिन्यांनंतर राखीने याबाबत खुलासा केला होता. शिवाय अनेक दिवसांच्या ड्रामानंतर राखीबरोबर लग्न केल्याचं आदिलने मान्य केलं होतं. आता राखी व आदिलचं नातं घटस्फोटापर्यंत पोहोचलं आहे.

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Rakhi sawant divorce with husband adil khan durrani very soon says i am very happy now see details kmd
First published on: 29-03-2023 at 16:09 IST