Raha Kapoor viral video : बॉलीवूडमधील रणबीर कपूर (Ranbir Kapoor) आणि आलिया भट्ट (Alia Bhatt) या जोडीची सोशल मीडियावर नेहमी चर्चा असते. या जोडीची लेक राहाचा (Raha Kapoor) जन्म झाल्यापासून राहाच्या आई-बाबांपेक्षा चाहते तिचीच अधिक चर्चा करतात. राहासुद्धा आई आलिया भट्टबरोबर अनेकदा विमानतळावर आणि इतर सार्वजनिक ठिकाणी दिसते. रणबीर कपूर आणि आलिया भट्टबरोबर तिचे अनेक फोटोज आणि व्हिडीओज सोशल मीडियावर व्हायरल होतात. राहाचा असाच एक व्हिडीओ सोशल मीडियावर व्हायरल झाला आहे, यात ती रणबीर कपूर आणि आलिया भट्टबरोबर एका फुटबॉलच्या स्टेडियममध्ये दिसत आहे.
शनिवारी (३० नोव्हेंबर २०२४ रोजी) मुंबईतील फुटबॉल स्टेडियममध्ये रणबीरची टीम ‘मुंबई सिटी एफसी’ आणि ‘हैदराबाद एफसी’ यांच्यातील सामन्यादरम्यान आलिया आणि रणबीर राहासह दिसले. आधीच्या काही फोटोंमधून रणबीर, आलिया आणि राहा स्टँड्समध्ये बसलेले दिसले होते. व्हायरल झालेल्या एका व्हिडीओमधून राहा सामन्यानंतर मैदानावर धमाल करत असल्याचे पाहायला मिळत आहे.
रणबीर आणि राहा यांनी मॅचिंग निळ्या रंगाची जर्सी घातली होती, तर आलिया पांढरा टँक टॉप, काळा शर्ट आणि राखाडी पँटमध्ये खूपच स्टायलिश दिसत होती. आलियाने राहाच्या गालावर गोड किस केला, तर राहा प्रेक्षकांचा जल्लोष पाहून भारावलेली दिसत होती.
दुसऱ्या एका व्हिडीओमध्ये राहा ‘मुंबई सिटी एफसी’च्या फुग्यांबरोबर खेळताना दिसते. याच व्हिडीओमध्ये रणबीरने राहाला मिठी मारली आणि तिला उचलून स्टेडियमच्या आजूबाजूला फेरफटका मारला. रणबीर २०१४ पासून ‘मुंबई सिटी एफसी’शी जोडला गेला आहे. तो बिमल पारेखबरोबर या टीमचा सहमालक आहे.
Alia Bhatt with her daughter today at @MumbaiFC match pic.twitter.com/zzT9KkmRBd
— Alia's nation (@Aliasnation) November 30, 2024
हेही वाचा…“त्या दिग्दर्शकाने मला ऑफिसमध्ये बोलावलं आणि…”, राजकुमार रावच्या पत्नीने सांगितला ‘तो’ अनुभव
६ नोव्हेंबर २०२२ रोजी राहाचा जन्म झाला. अलीकडेच रणबीर आणि आलियाने राहाचा दुसरा वाढदिवस साजरा केला. त्या निमित्ताने आलियाने आपल्या भावना व्यक्त करणारी एक हृदयस्पर्शी पोस्ट शेअर केली.
आलिया भट्ट आणि रणबीर कपूर सध्या त्यांच्या आगामी ‘लव्ह अँड वॉर’ या चित्रपटाचं शूटिंग करत आहेत. या चित्रपटात विकी कौशलही मुख्य भूमिकेत आहे. संजय लीला भन्साळी दिग्दर्शित हा चित्रपट २० मार्च २०२६ रोजी थिएटरमध्ये प्रदर्शित होणार आहे.
