scorecardresearch

Premium

रणबीरच्या ‘अ‍ॅनिमल’चा बॉक्स ऑफिसवर धुडगूस; लवकरच पार करणार ५०० कोटींचा टप्पा; पाचव्या दिवशी कमावले ‘इतके’ कोटी

पाच दिवसांत ‘अ‍ॅनिमल’ने बॉक्स ऑफिसवर इतिहास रचला आहे. शाहरुख खानच्या ‘जवान’चाही हा चित्रपट लवकरच रेकॉर्ड मोडणार आहे

animal-box-office-collection-day5
फोटो : इंडियन एक्सप्रेस

Animal Box Office Collection Day 5: रणबीर कपूरच्या ‘अ‍ॅनिमल’ चित्रपटाने बॉक्स ऑफिसवर धुमाकूळ घातला आहे. चित्रपट पाहण्यासाठी प्रेक्षक सिनेमागृहांबाहेर गर्दी करत आहेत. चित्रपटाला प्रेक्षकांचा उस्फूर्त प्रतिसाद मिळत आहे. चित्रपटाने प्रदर्शनाच्या पहिल्या दिवशी जगभरात १०० कोटींचा तर दुसऱ्या दिवशी २०० कोटींचा टप्पा ओलांडला. त्यानंतर तिसऱ्या दिवशी म्हणजेच रविवारी या चित्रपटाने सर्व भाषांमध्ये ७२.५० कोटींची कमाई केली.

चित्रपटाची अशीच यशस्वी घोडदौड बॉक्स ऑफिसवर सुरू असून चार दिवसात या चित्रपटाने जगभरात ४०० कोटींचा टप्पा पार केला आहे. इतकंच नव्हे तर हा चित्रपट ‘मंडे टेस्ट’मध्ये पास झाल्याचं स्पष्ट झालं आहे. सोमवारी ५० कोटींची कमाई करणाऱ्या या चित्रपटाने पुढच्या दिवशी म्हणजेच मंगळवारीही अशीच जबरदस्त कमाई केली आहे. इंडस्ट्री ट्रॅकर ‘सॅकनिल्क’च्या रिपोर्टनुसार पाचव्या दिवशी रणबीरच्या या चित्रपटाने ३८ कोटींची कमाई केली आहे.

Gautami Patil First Time Revels Real Name Chatting With Fan Gautami Patil Lavani Video To Surname and Leaked Video Controversy
गौतमी पाटीलचं खरं नाव माहितेय का? चाहतीशी गप्पा मारताना स्वतःचं केला खुलासा.. आडनावावरूनही झाला होता वाद!
Yashasvi Jaiswal broke Sourav Ganguly's record 17 years ago
IND vs ENG 3rd Test : यशस्वी जैस्वाल ‘दादा’वरही पडला भारी! गांगुलीचा मोडला १७ वर्षांपूर्वीचा विक्रम
karan grover
‘चांगल्या कामाच्या बळावरच चित्रपटसृष्टीत टिकू शकता’
Jasprit Bumrah First Reaction Slams Critics With Hard Post After Becoming Number One Test Cricket Bowler IND vs ENG Highlights
जसप्रीत बुमराहची ‘त्या’ ऐतिहासिक कामगिरीनंतर पहिली प्रतिक्रिया; सणसणीत उत्तर देत टीकाकारांना लावली चपराक

आणखी वाचा : ‘अ‍ॅनिमल’ पाहिल्यावर अशी होती बॉबी देओलच्या आईची, पत्नीची व मुलांची प्रतिक्रिया; अभिनेत्यानेच केला खुलासा

पाच दिवसांत ‘अ‍ॅनिमल’ने बॉक्स ऑफिसवर इतिहास रचला आहे. शाहरुख खानच्या ‘जवान’चाही हा चित्रपट लवकरच रेकॉर्ड मोडणार आहे. पाच दिवसात ‘अ‍ॅनिमल’ने भारतात २३८ कोटींची तर जगभरात ४८१ कोटींची कमाई केली आहे. ‘अ‍ॅनिमल’ हा कमाईच्या बाबतीत ‘संजू’ आणि ‘ब्रह्मास्त्र’ या दोन्ही चित्रपटांना मागे टाकेल असं सांगितलं जात आहे.

रणबीरच्या करिअरमधील हा पहिल्याच दिवशी सर्वाधिक कमाई करणारा चित्रपट ठरला आहे. ‘जवान’ आणि ‘पठाण’ या शाहरुख खानच्या दोन्ही चित्रपटांनी मिळून २२०० कोटींची कमाई केली होती, तेवढी कमाई ‘अ‍ॅनिमल’ला करणं शक्य नाही, परंतु यापैकी एका चित्रपटाचा ‘अ‍ॅनिमल’ नक्कीच रेकॉर्ड मोडू शकतो. ‘अ‍ॅनिमल’मध्ये रणबीरसह रश्मिका मंदान्ना, अनिल कपूर, बॉबी देओल, शक्ति कपूर, तृप्ती डिमरी हे कलाकारही प्रमुख भूमिकेत आहेत.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ranbir kapoors animal box office collection day five near to 500 crore mark avn

First published on: 06-12-2023 at 15:40 IST

संबंधित बातम्या

तुम्ही या बातम्या वाचल्या आहेत का? ×