रवीना टंडन ही तिच्या सौंदर्यासाठी संपूर्ण इंडस्ट्रीत खूप प्रसिद्ध आहे. ८० ते ९० च्या दशकात तिने तिच्या अभिनयामुळे प्रत्येकालाच वेड लावले होते. रवीनाला कायमच तिच्या स्पष्टवक्तेपणासाठी ओळखले जाते. रवीनाने तिच्या अभिनयाने प्रेक्षकांची मने जिंकली. ९० च्या दशकात ट्विंकल खन्ना आणि रवीना टंडन यांना ओळखण्यात चाहत्यांचा गोंधळ व्हायचा. त्यावेळी अनेकांना रवीना आणि ट्विंकल एकच व्यक्ती वाटायच्या. तर कित्येकवेळा अनेकजण हे त्यांच्या नावावरुनही गोंधळात पडायचे. नुकतंच यावर रवीनाने भाष्य केले आहे. रवीना ही सोशल मीडियावर कायमच सक्रीय असते. रविवारी संध्याकाळच्या सुमारास तिने इन्स्टाग्रामवर 'आस्क मी एनिथिंग' हे सेशन आयोजित केले होते. यावेळी तिला लोकांनी अनेक प्रश्न विचारले. त्याची तिने फारच दिलखुलासपणे उत्तर दिली.आणखी वाचा : ‘पुष्पा’ चित्रपटातील केवळ तीन मिनिटांच्या आयटम साँगसाठी समांथाने आकारले कोट्यावधी, मानधनाची रक्कम माहितीये का? "मी लहान असताना रवीना आणि ट्विंकल खन्ना या दोघांमध्ये खूपच गोंधळायचो. मी तुमच्या लूकबद्दलही गोंधळही होतो", असे एका चाहत्याने तिला यावेळी सांगितले. त्यावर रवीनाने फारच स्पष्ट पणे उत्तर दिले. "तुम्ही मोतीबिंदूचं ऑपरेशन करुन घ्या. तुमच्यासाठी पैशाची सोय केली जाईल", असे उत्तर रवीनाने त्या चाहत्याला दिले आहे. आणखी वाचा : ‘मी अवली लवली…’ वरील ‘त्या’ रिलवर शिवाली परबने दिली प्रतिक्रिया, म्हणाली “विराट कोहलीने…” दरम्यान काही दिवसांपूर्वी रवीनाचा ‘आरण्यक’ हा चित्रपट प्रदर्शित झाला होता. यात रविनाने पोलिस अधिकाऱ्याची भूमिका साकारली आहे. त्यामुळे ती चर्चेत होती.
