Rekha, Amitabh Bachchan and Jaya Bhaduri love affair news in Marathi: बॉलीवूड सुपरस्टार अमिताभ बच्चन आणि जया बच्चन यांच्या लग्नाला ५० वर्षांहून अधिक काळ झाला असला, तरी रेखा आणि ‘बिग बी’ यांच्यातील कथित अफेअरची चर्चा आजही रंगत असते. ‘रेखा: द अनटोल्ड स्टोरी’ या यासर उस्मान यांच्या पुस्तकातील संदर्भांनुसार, रेखा अवघ्या १८ व्या वर्षी जुहूच्या ज्या ‘बीच अपार्टमेंट’मध्ये राहायला गेल्या होत्या, त्याच बिल्डिंगमध्ये जया भादुरी राहत होत्या. रेखा त्यांना प्रेमाने ‘दीदीभाई’ म्हणायच्या आणि त्यांच्या फ्लॅटवर नेहमी जायच्या. याच फ्लॅटवर रेखा यांची पहिली भेट जया यांचे तत्कालीन प्रियकर अमिताभ बच्चन यांच्याशी झाली होती, ज्यांनी पुढे एकत्र ‘सिलसिला’ चित्रपटात काम केले.
खास गोष्ट म्हणजे जया यांनी अमिताभ यांनी लग्न करण्यापूर्वी रेखा व जया यांची खूप चांगली मैत्री होती. रेखा व जया दोघीही या एकाच बिल्डिंगमध्ये राहत होत्या. जया त्यावेळी इंडस्ट्रीतील यशस्वी अभिनेत्रींपैकी एक होत्या, तर रेखा यांनी नुकतीच सुरुवात केली होती. त्यावेळी जया खूपदा रेखा यांना करिअर आणि आयुष्याबद्दल सल्ला देत असे, असा दावा एका पुस्तकात करण्यात आला आहे.
अमिताभ बच्चन-जयाबरोबर लाँग ड्राइव्हवर जायच्या रेखा
“अमिताभ आणि अन्वर (मेहमूदचे भाऊ) जवळचे मित्र होते. अन्वरने मला सांगितलं की त्याने अमिताभ आणि जया यांना अनेकदा लाँग ड्राईव्हवर नेलं होतं. दोघे कारच्या पुढच्या सीटवर बसायचे, तर रेखा मागच्या सीटवर बसायच्या आणि ते प्रवासात एकमेकांशी गप्पा मारायचे,” असं लेखकाने ‘मेहमूद: अ मॅन ऑफ मेनी मूड्स’मध्ये लिहिलं आहे. यासंदर्भात न्यूज १८ ने वृत्त दिलंय.
जया भादुरींना दीदीभाई म्हणायच्या रेखा
‘रेखा: द अनटोल्ड स्टोरी’ हे रेखा यांच्यावरील पुस्तर यासर उस्मान यांनी २०१६ मध्ये लिहिलं होतं. या पुस्तकात ‘दीदीभाई’ नावाने जया बच्चन यांच्याशी संबंधित काही किस्से सांगितले आहेत. यात रेखा व जया यांच्या मैत्रीबद्दलही लिहिलंय. ‘टाइम्स ऑफ इंडिया’ने पुस्तकाच्या संदर्भाने दिलेल्या माहितीनुसार, “सुरुवातीचे काही चित्रपट हिट झाल्यावर रेखा यांनी १९७२ मध्ये मुंबईत स्वतःचा फ्लॅट विकत घेतला. हॉटेल अजिंठा सोडून रेखा वयाच्या १८ व्या वर्षी त्या जुहूच्या बीच अपार्टमेंटमध्ये राहायला गेल्या होत्या. त्याच बिल्डिंगमध्ये अभिनेत्री जया भादुरी राहत होत्या, त्या इंडस्ट्रीतील आघाडीच्या अभिनेत्रींपैकी एक होत्या. बीच अपार्टमेंटमध्ये रेखा आणि जया अनेकदा भेटत असत. रेखा प्रेमाने जयांना ‘दीदीभाई’ म्हणायच्या आणि त्यांच्याबरोबर वेळ घालवण्यासाठी वारंवार त्यांच्या फ्लॅटवर जात असे. तिथेच रेखा यांची पहिली भेट जयाचे प्रियकर अमिताभ बच्चन यांच्याशी झाली होती.”
“असं म्हटलं जातं की त्या काळात गर्लफ्रेंड जया अमिताभ यांचा मोठा आधार होत्या. त्या बिग बींपेक्षा खूप यशस्वी होत्या आणि त्यांनी अनेक निर्मात्यांना बिग बींचे नाव सुचवले होते,” असं लेखकाने पुस्तकात लिहिलं आहे.
अमिताभ, जया व रेखा हे तिघेही यश चोप्रांच्या १९८१ साली आलेल्या ‘सिलसिला’मध्ये एकत्र दिसले होते. हा अमिताभ व रेखा यांचा एकत्र केलेला शेवटचा सिनेमा ठरला. हा चित्रपट कथानकामुळेही खूप गाजला. कारण याची कथा या तिघांच्याही आयुष्यावर बेतलेली असल्याचं बोलल्याचं बोललं गेलं होतं.
