कलाक्षेत्रातील आदर्श जोडप्यांपैकी एक जोडपं म्हणजे रितेश देशमुख व जिनिलीया देशमुख. रितेश व जिनिलीयाकडे पाहिलं की, त्यांचा अगदी हेवा वाटतो. लग्नाला १० वर्षे उलटून गेली तर त्या दोघांच्या नात्यामधील गोडवा काही कमी झालेला नाही. सोशल मीडियाद्वारे तर दोघंही त्यांचं एकमेकांवर असणारं प्रेम खुलेपणाने व्यक्त करताना दिसतात. इतकंच नव्हे तर रितेश व जिनिलीयाच्या रिल व्हिडीओची सर्वाधिक चर्चा रंगताना दिसते.
रिल व्हिडीओद्वारे चाहत्यांचं अधिकाधिक मनोरंजन करणं रितेश व जिनिलीयाला आवडतं. या दोघांचे हे व्हिडीओ बरेच व्हायरल होतात. आताही रितेशने शेअर केलेला एक रिल व्हिडीओ नेटकऱ्यांच्या चांगलाच पसंतीस पडला आहे. हा व्हिडीओ एका सेटवरचा आहे. व्हिडीओमध्ये मेकअप आर्टिस्ट रितेशला मेकअप करताना दिसत आहे.
आणखी वाचा – भाड्याच्या घरात राहतो ‘महाराष्ट्राची हास्यजत्रा’मधील प्रसिद्ध अभिनेता, घरभाडं किती? हेही सांगितलं अन्…
रितेशने मेकअप करत असताना कानाजवळ फोन पकडला आहे. तसेच या व्हिडीओमध्ये एका महिलेचे संवाद ऐकायला मिळत आहेत. “झाली की नाही कामावरुन सुट्टी? दिसतो की नाही घरचा रस्ता. लवकर घराकडे निघा. नाहीतर घरी आल्यावर काय ते बघावं लागेल”. असा आवाज या व्हिडीओमध्ये ऐकायला येत आहे.
रितेशने हा व्हिडीओ शेअर करत म्हटलं की, “लग्न झाल्यानंतर…”. मराठीमध्ये त्याने या व्हिडीओला कॅप्शन दिलं आहे. तसेच नेटकऱ्यांनी त्याच्या या व्हिडीओवर अनेक गंमतीशीर कमेंट केल्या आहेत. एका वाघाची शिकार एका हरणीने केली, तुम्हाला पण वहिनी दम देतात का?, भाऊ माझी पण अशीच हालत आहे, जिनिलीया वहिनींचा दरारा अशा अनेक कमेंट नेटकऱ्यांनी केल्या आहेत.
