सैफ अली खान आणि करीना कपूर खान ही बॉलिवूडमधील लोकप्रिय जोडी आहे. या दोघांचे मुलांबरोबरचे फोटो, व्हिडीओ अनेकदा व्हायरल होत असतात. पापाराझी व फोटोग्राफर्सही त्यांच्या फोटो आणि व्हिडीओंसाठी बऱ्याचदा त्यांच्या घराजवळ पोहोचतात. अलीकडचाच या जोडप्याचा एक व्हिडीओ व्हायरल होत आहे. या व्हिडीओत पापाराझींना सैफने म्हटलेलं वाक्य चर्चेत आहे. Video: “दिवसाचे रातकिडे पाहिलेत का?” शशांक केतकरने ‘तो’ व्हिडीओ रेकॉर्ड करताच अभिनेत्रीने काय केलं, तुम्हीच पाहा! झालं असं की सैफ व करीना बाहेर गेले होते, तिथून ते घरी पोहोचले. यावेळी त्यांच्या फोटो, व्हिडीओसाठी पापाराझी व फोटोग्राफर्स घराबाहेर थांबले होते. दोघेही कारमधून उतरून घरात जाताना फोटोग्राफर्सनी त्यांना पोज देण्यास सांगितलं, पण ते थांबले नाही. फोटोग्राफर्स आग्रह करत करत बरेच आत पोहोचले. तेव्हा 'एक काम करा, तुम्ही आमच्या बेडरूममध्ये या,' असं सैफ अली खान म्हणाला. सैफ आणि करीना काल रात्री मलायका अरोराची आई जॉयस अरोराच्या वाढदिवसाला गेले होते. काळ्या बॉडीकॉन ड्रेसमध्ये बेबो अतिशय सुंदर दिसत होती. तर, सैफने काळा कुर्ता घातला होता.
