परिणीती चोप्रा आणि राघव चड्ढा यांनी रविवारी उदयपूरच्या लीला पॅलेसमध्ये लग्नगाठ बांधली. आलिशान पॅलेसमध्ये दोघांचा भव्य विवाहसोहळा पार पाडला. त्यांनी सोमवारी सकाळी इन्स्टाग्रामवर त्यांचे लग्नाचे फोटो शेअर केले. या नवविवाहित जोडप्याला त्यांच्या कुटुंबातील सदस्य, मित्र, चाहते शुभेच्छा व आशीर्वाद देत आहेत. बहिणीच्या लग्नानिमित्त परिणीतीच्या भावाने एक खास पोस्ट शेअर केली आहे.
शिवांग चोप्राने पोस्टमध्ये लिहिलं, “काही गोष्टी अगदी योग्य वाटतात. काही लोक अगदी बरोबर वाटतात. काही भावना खूप सुंदर असतात. काही क्षण खूप सुंदर असतात. चोप्रा आणि चढ्ढा यांच्यासाठी….हे सर्व काही खूप फक्त सुंदर होते. जीज कुटुंबात आपले स्वागत आहे. राघव चड्ढा चोप्रा कुटुंबातील क्रेझीनेसमध्ये आपले स्वागत आहे. परिणीती या देखण्या तरुणाच्या शेजारी तू एक सुंदर वधू बनलीस आहे. मी तुम्हा दोघांवर खूप प्रेम करतो.”
शिवांगने बहीण परिणीतीची पोस्ट रिपोस्ट करत असं सुंदर कॅप्शन लिहिलं. त्याच्या या पोस्टवर चाहते लाइक्स व कमेंट्सचा वर्षाव करत आहेत. शिवांग हा परिणीतीचा लहान भाऊ आहे. तो परिणीतीपेक्षा ७ वर्षांनी लहान आहे. तो डॉक्टर आहे. परिणीतीला शिवांगशिवाय सहज नावाचाही एक लहान भाऊ आहे.
