scorecardresearch

Sidharth-Kiara Wedding: दाल-बाटी, २० प्रकारचे गोड पदार्थ अन्…; सिद्धार्थ-कियाराच्या लग्नात पंजाबी-राजस्थानी पदार्थांची मेजवानी

सिद्धार्थ-कियाराच्या लग्नात पाहुण्यांसाठी पदार्थांची मेजवानी, वेडिंग मेन्यूची लिस्ट पाहा

sidharth kiara wedding menu
सिद्धार्थ-कियाराच्या लग्नात पदार्थांची मेजवानी. (फोटो: लोकसत्ता ग्राफिक्स टीम)

बॉलिवूडमधील सिद्धार्थ मल्होत्रा व कियारा अडवाणी ही लोकप्रिय जोडी त्यांच्या लग्नामुळे चर्चेत आहेत. ७ फेब्रुवारीला कियारा आणि सिद्धार्थ लग्नाच्या बेडीत अडकणार आहेत. जैसलमेरमधील सूर्यगढ पॅलेसवर सिद्धार्थ-कियाराचा शाही विवाहसोहळा थाटामाटात पार पडणार आहे.

सिद्धार्थ-कियाराच्या लग्नाबाबत रोज नवी माहिती मिळत आहे. मीडिया रिपोर्टनुसार, त्यांच्या लग्नापूर्वीच्या संगीत, मेहेंदी व हळदी कार्यक्रमांना आजपासून सुरुवात होणार आहे. बॉलिवूडमधील अनेक सेलिब्रिटी सिद्धार्थ-कियाराच्या विवाहसोहळ्याला हजेरी लावणार आहेत. पाहुण्यांसाठी आलिशान पॅलेसमधील ८४ खोल्यांचं बुकिंग करण्यात आलं आहे. याशिवाय पाहुण्यांच्या सुरक्षिततेचाही चोख बंदोबस्त करण्यात आला आहे.

हेही वाचा>> भारताच्या नकाशावर पाय दिल्याने अक्षय कुमार ट्रोल; संताप व्यक्त करत नेटकरी म्हणाले…

हेही वाचा>> Video: सिद्धार्थ-कियाराचा बॉलिवूड गाण्यांवर डान्स; पार्टीतील ‘तो’ व्हिडीओ व्हायरल

सिद्धार्थ-कियाराच्या लग्नासाठी सूर्यगढ पॅलेसमध्ये जय्यत तयारी करण्यात येत आहे. पॅलेसमधील सजावटीचे व्हिडीओही सोशल मीडियावर व्हायरल होत आहेत. आता सिद्धार्थ-कियाराच्या लग्नातील मेन्यूबद्दल माहिती समोर आली आहे. सिद्धार्थ-कियाराच्या लग्नात पाहुण्यांसाठी खास पंजाबी व राजस्थानी पदार्थ असणार आहेत. याशिवाय आठ प्रकारचा दाल-बाटी चूरमा, २० प्रकारचे गोड पदार्थ आणि चायनीज, थाई, कोरियन पदार्थांची मेजवानी असणार आहे.

सिद्धार्थ-कियारा गेल्या अनेक दिवसांपासून रिलेशनशिपमध्ये आहेत. अनेक ठिकाणी त्यांना एकत्र स्पॉटही करण्यात आलं होतं. शेरशाह चित्रपटातील त्यांच्या ऑन स्क्रीन जोडीला प्रेक्षकांनी पसंती दर्शविली होती. आता हे रील लाइफ कपल खऱ्या आयुष्यात विवाहबंधनात अडकत असल्यामुळे चाहतेही खूश आहेत.

मराठीतील सर्व बॉलीवूड ( Bollywood ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 06-02-2023 at 13:05 IST