Sonu Nigam angry on fan come on stage : “मार खाण्याची कामं करू नका…”; स्टेजवर चढलेल्या चाहत्यावर भडकला सोनू निगम, थेट दिला इशारा

सोनू निगमने कोल्हापूर लाईव्ह कॉन्सर्टदरम्यान घडलेल्या घटनेवर राग व्यक्त केला. वाचा सविस्तर.

Sonu Nigam angry on fan come on stage in kolhapur live concert

सोनू निगमच्या लाईव्ह कॉन्सर्टवेळी चाहता थेट स्टेजवर (फोटो - इन्स्टाग्राम)

Sonu Nigam angry on fan come on stage : सोनू निगम हे बॉलीवूडचे ‘मेलडी किंग’ म्हणून ओळखले जातात. त्यांनी आपल्या जादुई आणि सुरेल आवाजाने रसिकांची मने जिंकली. हिंदीसह मराठी, कन्नड, बंगाली, तमीळ, तेलुगू व पंजाबी अशा विविध भाषांमध्ये गाणी गात सोनू निगम यांनी संगीतविश्वात वेगळी ओळख निर्माण केली. सोनू निगम हे गाण्यासह त्यांच्या परखड भाष्यासाठीसुद्धा लोकप्रिय आहेत. सोनू निगम यांचा स्पष्टवक्तेपणा हादेखील चर्चेचा विषय ठरतो. यावेळी लाइव्ह कॉन्सर्टमध्ये घुसून कार्यक्रमामध्ये व्यत्यय आणणाऱ्या चाहत्याला सोनू निगमने चांगलेच फैलावर घेतले. मार खाण्याची कामं का करता, असं लिहीत सोनू निगमनं आपला रोष व्यक्त केला आहे.

कोल्हापूरमध्ये गायक सोनू निगमचा लाइव्ह कॉन्सर्ट पार पडला. बॉलीवूडची लोकप्रिय गाणी लाइव्ह ऐकण्यासाठी हजारो चाहते उपस्थित होते. कॉन्सर्ट अगदी रंगात आलेला असताना एका चाहत्याने मात्र व्यत्यय आणला. याचा व्हिडीओ सोशल मीडियावर शेअर करीत सोनूनं पुढच्या वेळेस असं केलं, तर वाचवणार नाही, असा इशारा दिला आहे.

चाहता थेट चढला स्टेजवर

लाइव्ह कॉन्सर्टदरम्यान, सोनू निगमचा हा चाहता सर्व सुरक्षा पार करून थेट स्टेजवर चढला. सोनू निगम त्याचे “चोरी किया रे जिया” हे लोकप्रिय गाणं गात होता. मात्र, चाहता स्टेजवर येण्याचा प्रयत्न करीत असल्याचं सोनूच्या लक्षात येताच तो मागे मागे जाऊ लागला. मात्र, तरीही चाहता पूर्णपणे स्टेजवर चढला आणि त्यानं कॉन्सर्टमध्ये गोंधळ घातला. पांढरा टी-शर्ट घालून चढलेला चाहता स्टेजवर सोनू निगमच्या पाया पडला.

View this post on Instagram

हेही वाचा

पहिला चित्रपट अन् सलमान खानपेक्षा जास्त मानधन, ‘मैंने प्यार किया’ फेम भाग्यश्री म्हणते, “आर्थिक तत्त्वांवर… “

स्टेजवर चाहत्याने सोनू निगमचा माईक घेतला अन्…

घुसखोर चाहत्याला हटवण्यासाठी सोनूचे सुरक्षा रक्षक स्टेजवर आले. त्यांनी चाहत्याला पकडले; मात्र तरीही तो खाली जाण्यास तयार नव्हता. ही परिस्थिती योग्य पद्धतीनं हाताळत सोनू निगमनं त्याच्याशी संवाद साधला. चाहत्यानं मात्र सोनूचा माईक घेऊन गाण्यास सुरुवात केली. ‘चोरी किया रे जिया’ याच गाण्याचे पुढचे बोल त्या चाहत्यानं गायले आणि स्टेजवर पुढे जाऊन उपस्थितांना अभिवादन केले. परत सोनूकडे येऊन त्याचा माईक परत केला. तसेच कोल्हापूरकर तुमच्यावर प्रेम करतात, असंदेखील चाहत्यानं सोनू निगमला सांगितलं आणि तो खाली निघून गेला. त्यावर व्वा..! शाब्बास…! असं म्हणत सोनू निगमनं आपली नाराजी उघड केली.

हेही वाचा

अखेर चर्चांना मिळाला पूर्णविराम! रणवीर सिंह महादेवाच्या भूमिकेत दिसणार नाही, लेखक अमिश त्रिपाठी म्हणाले…

पण पुढच्या वेळी वाचवणार नाही – सोनू

या घटनेचा व्हिडीओ स्वतः शेअर करीत सोनू निगमनं चाहत्याच्या वागण्यावर नाराजी व्यक्त केली. कॅप्शनमध्ये सोनूनं लिहिले की, का मार खाण्याची कामं करता, प्रेक्षकांनो…यावेळी तर मी वाचवलं; पण पुढच्या वेळी वाचवणार नाही, असे लिहीत गायक सोनू निगम यांनी घडलेल्या प्रकारावर नाराजी व्यक्त केली आहे. त्यावरून अनेक नेटकऱ्यांनीदेखील चाहत्याचं वागणं योग्य नसल्याचं म्हटलं आहे. तर काही नेटकरी हे चाहत्याची बाजू घेत आहेत. विशेष बाब म्हणजे स्टेजवर चढलेल्या या चाहत्यानं इन्स्टाग्रामवर कमेंटदेखील केली आहे. तो मीच आहे, असे लिहीत चाहत्यानं कमेंट केली. त्यावर कॅप्शन वाच, असं उत्तर नेटकऱ्यानं दिलं आहे. काही जणांनी चाहत्याचं वागणं योग्य असल्याचं म्हटलं; तर काहींनी सोनू निगम यांची भूमिका योग्य असून, यापुढे कलाकारांबाबत असे प्रकार घडू नयेत, अशी इच्छा व्यक्त केली.