बॉलिवूड अभिनेत्री प्रियांका चोप्रा लग्नानंतर अमेरिकेत स्थायिक झाली आणि ती सध्या हॉलिवूडमध्ये काम करत आहे. करिअरमध्ये यशाच्या शिखरावर असताना बॉलिवूड सोडून गायनाला सुरुवात का केली आणि अमेरिकेत का काम शोधू लागली, याचा खुलासा प्रियांकाने केला आहे. अलीकडेच प्रियांकाने एका मुलाखतीत कोणाचेही नाव न घेता सांगितले होते की तिला बॉलिवूडमध्ये कॉर्नर केलं जात होतं. प्रियांकाच्या या वक्तव्यावर आता ‘द काश्मीर फाइल्स’ चित्रपटाचे दिग्दर्शक विवेक अग्निहोत्री यांनी मोठी प्रतिक्रिया दिली आहे.
सध्या प्रियांका चोप्रा
हेही वाचा- प्रियांका, कतरिना व आलियाच्या ‘जी ले जरा’मध्ये शाहरुख खानची एंट्री, दिसणार ‘या’ भूमिकेत?
प्रियांका चोप्रा पुढे म्हणाली, “मला म्युझिकने जगाच्या दुसऱ्या भागात जाण्याची संधी दिली. जे चित्रपट मला करायचे नव्हते, ते करण्याची मला आवडही नव्हती. पण, मला क्लब आणि लोकांच्या काही गटांना चांगल्या कामासाठी आकर्षित करावं लागायचं, त्यासाठी मेहनत करावी लागायची, तेव्हापर्यंत मी खूप काम केलं. पण म्युझिकची ऑफर आल्यावर मी म्हणाले की खड्ड्यात जा, मी तर अमेरिकेला निघाले.”
प्रियांकाच्या या वक्तव्यावर अनेक बॉलिवूड कलाकारांनी प्रतिक्रिया दिल्या आहेत. ‘द कश्मीर फाइल्स’चे दिग्दर्शक विवेक अग्निहोत्री यांनी प्रियांकाच्या या वक्तव्यावर विधान केले आहे. विवेकने त्याच्या अधिकृत ट्विटर हँडलवर ट्विट केले आहे. या ट्विटमध्ये विवेक अग्निहोत्री यांनी लिहिले आहे की ‘जेव्हा मोठे शक्तिशाली लोक आपली गुंडगिरी दाखवतात, तेव्हा काही लोक गुडघे टेकतात, नशा करायला लागतात, काही हार स्वीकारतात, काही शरणागती पत्करतात आणि काही मरतात. या अशक्यप्राय-पराजय गुंडांच्या टोळीच्या विरोधात, फार कमी लोक त्याग करून वेगळे स्थान निर्माण करतात. खरंच ते खऱ्या आयुष्यातले स्टार आहे.
