पंजाबी विकी कौशल आहे मालवणी पदार्थांचा चाहता! म्हणाला, “बोबींल फ्राय…”

विकी कौशलने अभियांत्रिकीमध्ये पदवी संपादन केली आहे. “कॉलेजमध्ये असताना वांद्रे परिसरात खूप फिरायचो, रात्री आम्ही मित्र – मित्र एकत्र भेटलो की, दक्षिण मुंबईत कुलाबा परिसरात फिरायला जायचो.” असं विकी कौशलने नुकत्याच ‘Mashable इंडिया’ या युट्यूब चॅनेलला दिलेल्या मुलाखतीत सांगितलं.

हेही वाचा : Video : अंबानींच्या धाकट्या सूनेचा जामनगरमध्ये भव्य गृहप्रवेश! अनंत-राधिकाचा गुजरातमधील व्हिडीओ व्हायरल

विकी कौशलला आवडतात हे पदार्थ ( Vicky Kaushal)

विकी कौशलला त्याच्या आवडत्या पदार्थांविषयी विचारल्यावर अभिनेता म्हणाला, “रात्री शूटिंगवरून थकून घरी आल्यावर मला साधा डोसा, खोबऱ्याची चटणी, चिकन लॉलीपॉप विथ शेजवान चटणी हे पदार्थ खायला खूप आवडतात.” याशिवाय मी मालवणी पदार्थांचा खूप मोठा फॅन ( चाहता ) आहे असं सांगत विकीने विलेपार्ले येथील एका हॉटेलचा उल्लेख केला आहे.

“मालवणी पदार्थ मला खूप आवडतात आणि त्यातही मला बोबींल फ्राय खूप आवडतात तेच मी नेहमी खातो” असं विकी कौशलने सांगितलं. याशिवाय “चित्रपटसृष्टीत मी यशस्वी झाल्यानंतर माझ्या घरी काहीच बदल झाला नाही. आई-वडिलांच्या वागण्यात मला कधीही वेगळेपणा जाणवला नाही. ते माझ्याशी पूर्वीप्रमाणेच वागतात. मी सामान्य कुटुंबामध्ये लहानाचा मोठा झालो आहे, आजही आमच्या घरचे सर्व नियम मी आणि माझा भाऊ पाळतो.” असं अभिनेत्याने ( Vicky Kaushal ) जुन्या एका मुलाखतीत सांगितलं होतं.

हेही वाचा : मोदक, भरलेली वांगी, ठेचा अन्…; अंबानींच्या लग्नात मराठमोळ्या पदार्थांची रेलचेल, ‘असा’ होता मेन्यू

दरम्यान, विकी कौशलच्या कामाबद्दल सांगायचं झालं तर, त्याचा ‘बॅड न्यूज’ चित्रपट येत्या १९ जुलैला प्रेक्षकांच्या भेटीला येणार आहे. यामध्ये तृप्ती डिमरी, एमी विर्क यांनी प्रमुख भूमिका साकारल्या आहेत. याशिवाय या चित्रपटातील “तौबा तौबा…” गाणं सोशल मीडियावर प्रचंड व्हायरल झालं आहे.