Video : “उद्धट मुलगा…”, लाईव्ह शोमध्ये सर्वांसमोर अभिनेत्यावर संतापलेला गोविंदा, नेमकं काय घडलेलं? वाचा…

मात्र, एका शोमध्ये गोविंदा शोच्या होस्टवर प्रचंड संतापला होता. याबद्दल स्वत: होस्टनेच एका मुलाखतीत खुलासा केला होता. नेमकं काय घडलं होतं? चला जाणून घेऊ.

छोट्या पडद्यावरील एका डान्स रिअॅलिटी शोमध्ये गोविंदा पाहुणा म्हणून गेला होता आणि त्या शोचा होस्ट होता अभिनेता राघव जुयाल. यावेळी राघवने केलेल्या एका मस्करीमुळे गोविंदाचा पारा अचानक चढला आणि त्याने शो लाईव्ह असतानाच त्याच्यावर संताप व्यक्त केला होता.

दीपक परीकच्या यूट्यूब चॅनेलला दिलेल्या मुलाखतीत राघवने सांगितले होते, “एकदा गोविंदा सर माझ्यावर रागावले होते. इतके वर्षे मी शो होस्ट करत आहे. पण त्यादिवशी त्यांना काय झालं माहिती नाही. त्यांनी मला आधी व्हॅनिटी व्हॅनमध्ये बोलावलं. माझं खूप कौतुक वगैरे केलं. त्या कौतुकाने मीसुद्धा भारावून गेलो. इतका मोठा माणूस आपलं कौतुक करतोय, या आनंदात माझ्या पायाखालची जमीनच सरकली होती. त्यानंतर शोमध्ये एमजे-5 ग्रुप होता. ते सगळे माझे मित्रच होते. तर मी त्यांच्याशी सहज मस्करी करत होतो. मी त्यांच्याशी कपड्यांवरून मस्करी केली की, मी ‘होस्ट असून मला इतके चांगले कपडे दिले नाहीत, पण तुमचे कपडे इतके छान आहेत वगैरे वगैरे… तेवढ्यात अचानक ‘काय उद्धट मुलगा आहे हा… असा आवाज आला.”

“गोविंदा सर माझ्यावर अचानक चिडले. ते मध्येच असं का म्हणाले मला काही कळलंच नाही. मी त्यांना सॉरी म्हणालो. ‘एमजे-5’ ग्रुपमधील मुलं माझे मित्रच आहेत, म्हणून मी त्यांच्याशी मस्करी करत आहे, असं मी गोविंदा सरांना सांगितलं. पण त्यावर ते पुन्हा माझ्यावर चिडले. ‘प्रत्येक गोष्टीची एक मर्यादा असते. याला काय अर्थ आहे. मित्र आहे म्हणून काहीही म्हणशील का?’ असं म्हणत त्यांनी मला खूप सुनावलं. त्यादरम्यान, टेरेन सर आणि रेमो सर मला लांबून शांत राहा असं खुणवत होते”, असेही टॉ यावेळी म्हणाला.

View this post on Instagram

A post shared by The Chill Hour Podcast (@thechillhourpod)

पुढे राघवने सांगितलं, “त्यानंतर माझ्या डोक्यात विचार आला, अरे यार आता तर यांनी व्हॅनिटीमध्ये माझं इतकं कौतुक केलं आणि मग हे अचानक इतके का रागावले? सुरुवातीला मला वाटलं की, प्रॅंक वगैरे असेल; पण तसं अजिबातच नव्हतं. तेव्हा मला खूप टेंशन आलं होतं. मग मी माफी मागितली आणि पुन्हा शोचं होस्टिंग सुरू केलं. पण त्यामुळे मला काही गोविंदा सरांचा राग वगैरे आला नाही. ते माझ्यापेक्षा वयाने आणि कर्तुत्वाने मोठे आहेत. त्यांनी मला मारलं, ओरडलं तरी माझी काही हरकत नाही. हा किस्सा सहज आठवला म्हणून सांगत आहे. पण ते खूपच भारी आहेत.”