बॉलीवूड अभिनेत्री यामी गौतमच्या घरी चिमुकल्या सदस्याचं आगमन झालं आहे. १० मे रोजी अक्षय्य तृतीयेच्या शुभ मुहूर्तावर अभिनेत्रीने गोंडस मुलाला जन्म दिला. याबाबत यामीने आज ( २० मे ) इन्स्टाग्राम पोस्ट शेअर करत माहिती दिली आहे. तसंच बाळाचं नाव काय ठेवलं याचा खुलासा देखील तिने या पोस्टद्वारे केला आहे.

यामी गौतम काही दिवसांपूर्वी प्रदर्शित झालेल्या ‘आर्टिकल ३७०’ चित्रपटात झळकली होती. या चित्रपटाच्या ट्रेलर लॉन्च सोहळ्याला तिचा दिग्दर्शक पती आदित्य धर याने अभिनेत्री लवकरच गुडन्यूज देणार असल्याचं जाहीर केलं होतं. १० मे रोजी अक्षय्य तृतीयेच्या शुभमुहूर्तावर अभिनेत्रीच्या घरी चिमुकल्या सदस्याचं आगमन झालं. परंतु, बरोबर दहा दिवसांनी म्हणजेच आज ( २० मे ) यामीने ही आनंदाची बातमी सर्वांबरोबर शेअर केली आहे.

mrunal dusanis says live in america is more difficult than India
“अमेरिकेत राहणं खूप अवघड”, चार वर्षांनी भारतात आलेल्या मृणाल दुसानिसने सांगितलं परदेशातील राहणीमान, म्हणाली…
Marathi actress sai lokur is going to in law's house after three years of marriage
लग्नाच्या तीन वर्षानंतर ‘ही’ मराठमोळी अभिनेत्री जाणार सासरी; गुड न्यूज देत म्हणाली, “मी खूप…”
heeramandi fame actress sanjeeda shaikh opens up on woman groped her
“माझ्या स्तनांना स्पर्श केला अन्…” ‘हीरामंडी’ फेम अभिनेत्रीने सांगितला धक्कादायक प्रसंग, म्हणाली, “या घटनेमुळे…”
What Kangana Said?
कंगनाचा धक्कादायक दावा, “कोणतीही नवी हिरोईन आली की तिला दाऊदसमोर..”
madhuri dixit birthday celebration with husband dr shriram nene
लाडक्या आईसाठी परदेशातून आली मुलं; माधुरी दीक्षितने ‘असा’ साजरा केला वाढदिवस! डॉ. नेनेंनी शेअर केला Inside व्हिडीओ
Shikhar Dhawan and Mithali Raj Marriage Talks
‘मी मिताली राजशी लग्न करत आहे…’, शिखर धवनचा मोठा खुलासा, जाणून घ्या नक्की काय आहे प्रकरण?
Marathi Actress Aishwarya Narkar angry and answer to trolls
“जवानीमध्ये असे नखरे दाखवायला पाहिजे होतेस,” म्हणणाऱ्यावर ऐश्वर्या नारकर संतापल्या, म्हणाल्या, “भाऊ…”
Divya Agarwal deleted wedding photos
प्रसिद्ध अभिनेत्रीने हटवले लग्न अन् गुढीपाडव्याचे फोटो, तीन महिन्यांतच घेणार मराठमोळ्या पतीपासून घटस्फोट?

हेही वाचा : ‘रंग माझा वेगळा’ फेम अभिनेत्रीच्या ‘त्या’ कमेंटवर चक्क श्रद्धा कपूरने दिलं उत्तर! स्क्रीनशॉट शेअर करत म्हणाली…

यामी तिच्या पोस्टमध्ये लिहिते, “१० मे रोजी अक्षय्य तृतीयेच्या दिवशी आम्हाला मुलगा झाला. आम्ही आमच्या बाळाचं नाव ‘वेदविद’ असं ठेवलं आहे. वेदविद म्हणजे चांगले वेद, संस्कार जाणणारा…आम्ही दोघं आता पालकत्वाच्या सुंदर अशा प्रवासाला सुरुवात करत आहोत. आमच्या बाळाच्या उज्ज्वल भविष्याची आम्ही आतुरतेने वाट पाहत आहोत. माझा मुलगा आपल्या देशासाठी आणि आमच्या कुटुंबासाठी अभिमानास्पद कामगिरी करेल अशी आशा मी व्यक्त करते.”

हेही वाचा : ऐश्वर्या राय बच्चनच्या हाताला नेमकं झालंय तरी काय? अभिनेत्रीवर लवकरच शस्त्रक्रिया होणार असल्याची माहिती

यामी गौतम व आदित्य धरचा विवाहसोहळा ४ जून २०२१ रोजी पार पडला. दोघांच्या लग्नाचे फोटो सोशल मीडियावर व्हायरल झाले होते. हिमाचल प्रदेशमधील मंडी येथील यामीच्या घरी हा लग्नसोहळा पार पडला होता. २०१९ मध्ये प्रदर्शित झालेल्या ‘उरी : द सर्जिकल स्ट्राईक’ या चित्रपटासाठी यामी व आदित्यने एकत्र काम केलं होतं. या चित्रपटानंतर दोघेही काही वर्षे एकमेकांना डेट करत होते. आता लग्नाच्या तीन वर्षांनी यामी आणि आदित्य आई-बाबा झाले आहेत. या दोघांनी बाळाचं ‘वेदविद’ हे नाव ठेवलं असून सध्या या जोडप्यावर शुभेच्छांचा वर्षाव करण्यात येत आहे.

दरम्यान, यामी गौतमच्या कामाबद्दल सांगायचं झालं, तर तिने ‘विकी डोनर’ चित्रपटातून करिअरला सुरुवात केली होती. या चित्रपटात तिच्याबरोबर आयुष्मान खुरानाने प्रमुख भूमिका साकारली होती. याशिवाय गेल्या वर्षी तिचा ‘OMG 2’ प्रेक्षकांच्या भेटीला आला होता. तर, आई होण्याआधी ती ‘आर्टिकल ३७०’ चित्रपटात झळकली होती.