Zara Hatke Zara Bachke Box Office Collection Day 3 : विकी कौशल आणि सारा अली खान यांचा ‘जरा हटके जरा बचके’ चित्रपट बॉक्स ऑफिसवर चांगली कमाई करत आहे. चित्रपट शुक्रवारी २ जून रोजी सिनेमागृहांमध्ये प्रदर्शित झाला. पहिल्या दिवशी पाच कोटी रुपयांची कमाई करणाऱ्या या चित्रपटाला प्रेक्षकांचा चांगला प्रतिसाद मिळत आहे. वीकेंडला चित्रपटाच्या कमाईत वाढ झाली आहे. हेही वाचा - सारा व विकीच्या चित्रपटाला प्रेक्षकांची पसंती, ‘जरा हटके जरा बचके’ने पहिल्या दिवशी केली ‘इतक्या’ कोटींची कमाई 'जरा हटके जरा बचके'मध्ये पहिल्यांदाच विकी कौशल आणि सारा अली खान यांची जोडी मोठ्या पडद्यावर पाहायला मिळाली आहे. या दोघांची केमिस्ट्री प्रेक्षकांना आवडली आहे, त्यामुळे चित्रपट पाहण्यासाठी प्रेक्षक गर्दी करत आहेत. 'जरा हटके जरा बचके'ने पहिल्याच दिवशी ५.४९ कोटी रुपयांचा गल्ला जमवला होता. वीकेंडला कमाईत वाढ झाल्याचं पाहायला मिळालं. शनिवारी चित्रपटाने ७.२५ कोटी रुपयांचा गल्ला जमवला होता. आता रविवारची आकडेवारीही समोर आली आहे. हेही वाचा - शारीरिक संबंधांना खेळ म्हणून मान्यता, ‘या’ देशात होणार पहिली सेक्स चॅम्पियनशिप 'सॅकनिल्क'च्या सुरुवातीच्या ट्रेड रिपोर्टनुसार, 'जरा हटके जरा बचके' ने रिलीजच्या तिसर्‍या दिवशी म्हणजेच रविवारी ९ कोटी रुपये कमावले आहे. या चित्रपटाच्या ओपनिंग वीकेंडची एकूण कमाई आता २१.६९ कोटी रुपये झाली आहे. अवघ्या ४० कोटी रुपयांच्या बजेटमध्ये बनलेला हा चित्रपट तीन दिवसांत २१ कोटी कमावण्यात यशस्वी झाला आहे. त्यामुळे या आठवड्यात चित्रपट बॉक्सऑफिसवर सरासरी कमाई करू शकतो, असे अंदाज वर्तवले जात आहेत.
