Zarina Wahab on Jiah Khan Suicide: अभिनेत्री जिया खान ३ जून २०१३ रोजी मुंबईमधील जुहू परिसरातील घरात गळफास लावलेल्या अवस्थेत आढळली होती. जियाचा मृत्यू झाला, त्यावेळी ती २५ वर्षांची होती. जियाने आत्महत्येपूर्वी सूरजसोबतच्या नात्याबाबत लिहिलेले पत्रही पोलिसांना सापडले होते. त्याच्या आधारे पोलिसांनी सूरजला आरोपी केलं होतं. तसेच त्याच्यावर जिया हिला आत्महत्येस प्रवृत्त केल्याचा आरोप ठेवला होता. या प्रकरणी पोलिसांनी त्याला अटकही केली होती. याच आरोपांतर्गत सूरजवर १० वर्षे खटला चालवण्यात आला. अखेर त्याची एप्रिल २०२३ मध्ये निर्दोष मुक्तता करण्यात आली. जियाच्या आत्महत्या प्रकरणावर सूरजची आई अभिनेत्री झरीना वहाबने एका मुलाखतीत भाष्य केलंय.
जिया खानने सूरज पंचोलीला भेटण्यापूर्वी अनेकदा आत्महत्येचा प्रयत्न केला होता, असा दावा झरीनाने केला आहे. “तिने त्याआधीही ४-५ वेळा आत्महत्येचा प्रयत्न केला होता. पण नशीब असं होतं की ती माझ्या मुलाबरोबर असताना हे सगळं घडलं,” असं झरीना लेहरेन रेट्रोला दिलेल्या मुलाखतीत म्हणाली.
हेही वाचा – रजनीकांत यांच्या मुलीचा घटस्फोट, धनुष व ऐश्वर्या २० वर्षांच्या संसारानंतर कायदेशीररित्या विभक्त
सूरज हा अभिनेता आदित्य पंचोली व झरीना वहाब यांचा मुलगा आहे. जियाने आत्महत्या केली तेव्हा सूरज तिला डेट करत होता. जियाने आत्महत्या केल्यावर सूरजला अटक झाली होती. या प्रकरणाचा कुटुंबावर कसा परिणाम झाला, त्याबाबत झरीनाने सांगितलं. १० वर्षे हे सगळं सहन करावं लागलं असंही झरीना म्हणाली.
हेही वाचा – घटस्फोटाच्या चर्चांदरम्यान ऐश्वर्या रायने हटवलं ‘बच्चन’ आडनाव? दुबईतील ‘तो’ व्हिडीओ व्हायरल
सूरजच्या करिअरवर परिणाम झाला – झरीना
“आम्ही सर्वजण खूप वाईट काळातून गेलो, पण माझा एका गोष्टीवर विश्वास आहे: ‘जर तुम्ही खोटं बोलून कोणाचंही आयुष्य उद्ध्वस्त करत असाल तर तुम्हाला त्याची व्याजासह परतफेड करावीच लागते.’ सूरज दोषी नव्हता, आम्ही सगळं सहन केलं, १० वर्षे लागली पण तो त्यातून निर्दोष बाहेर पडला आणि मी आनंदी आहे. या घटनेचा सूरजच्या करिअरवरही परिणाम झाला,” असं झरीना म्हणाली.
हेही वाचा – अभिषेक बच्चन घटस्फोटाच्या चर्चांदरम्यान पहिल्यांदाच ऐश्वर्या रायबद्दल म्हणाला, “मला माहीत आहे की ऐश्वर्या…”
सूरजने २०१५ साली ‘हिरो’ चित्रपटातून बॉलीवूडमध्ये पदार्पण केलं होतं. या सिनेमात अथिया शेट्टीदेखील मुख्य भूमिकेत होती. या व्यतिरिक्त सूरजने ‘बी हॅप्पी’, ‘हवा सिंग’, ‘टाइम टू डान्स’, ‘सॅटेलाइट शंकर’ या सिनेमांमध्ये काम केलं आहे.
ू
