कान्स फिल्म फेस्टिव्हलमध्ये जगभरातून आलेले कलाकार आपल्या कलेचा आणि सौंदर्याचा जलवा दाखवताना दिसत आहेत. यावर्षी या फेस्टिव्हलमध्ये भारतातून बरेच कलाकार सहभागी झाले आहेत. यात अभिनेत्री दीपिका पादुकोण, ऐश्वर्या राय बच्चन, उर्वशी रौतेला, तमन्ना भाटिया, हिना खान, हेली शहा, संगीतकार ए आर रहमान इत्यादींचा समावेश आहे. सध्या या सर्वं कलाकाराचे फोटो सोशल मीडियावर व्हायरल होताना दिसत आहेत. अशाच अभिनेत्री ऐश्वर्या राय बच्चनला मात्र तिच्या रेड कार्पेट लुकसाठी आणि विशेषतः मेकअपसाठी ट्रोल केलं जात आहे. कान्स फिल्म फेस्टिव्हल २०२२ मध्ये सहभागी होण्यासाठी पोहोचलेल्या ऐश्वर्या रायनं पहिल्याच दिवशी रेड कार्पेटवर धमाकेदार एंट्री केली. आतापर्यंत ऐश्वर्याचे या फेस्टिव्हलमधील दोन लुक समोर आले आहेत. ज्यात ती खूपच सुंदर दिसत आहे. पण काही सोशल मीडिया युजर्सना मात्र ऐश्वर्याचा गेटअप आणि लुक अजिबात आवडलेला नाही. त्यांनी तिला या लुकवरून ट्रोल करायला सुरुवात केली आहे. कान्स फेस्टिव्हलमध्ये ऐश्वर्यानं पहिल्या लुकसाठी पिंक कलरचे आउटफिट्स निवडले होते. तिने डबल कॉम्पॅक्ट ड्रिल ब्लेजर आणि पॅन्ट परिधान केली होती. ज्याची किंमत जवळपास ४ लाख रुपये असल्याचं बोललं जात आहे. ऐश्वर्याचा हा लुक सोशल मीडियावर बराच व्हायरल झाला असून यावरून ऐश्वर्याला सोशल मीडियावर बरंच ट्रोल केलं जातं आहे. अनेकांनी तिच्या मेकअपवर प्रतिक्रिया देत तिच्या लुकवर टीका केली आहे. काही नेटकऱ्यांच्या मते या गेटअपमध्ये ऐश्वर्या राय बच्चन म्हातारी दिसत आहे. तर काही लोकांचं म्हणणं आहे की ऐश्वर्याच्या चेहऱ्यावर सूज आल्यानं तिचा चेहरा खूपच विचित्र दिसत आहे. एका युजरनं यावर कमेंट करताना लिहिलं, 'असं वाटतंय की तिने बोटॉक्स केलं आहे ज्यामुळे तिचा चेहरा सुजलेला दिसत आहे.' दुसऱ्या एका युजरनं लिहिलं, 'अरे, ऐश्वर्याच्या चेहऱ्यासोबत काहीतरी चुकीचं झालं आहे. मेकअप मॅजिक काम करत नाहीये.' तर आणखी एका युजरनं ऐश्वर्याला थेट, 'म्हातारी दिसतेय' असं म्हटलंय.
