गणपत्ती बाप्पा मोरया..म्हणत गुरूवारी राज्यात घरोघरी लाडके गणराय मोठ्या थाटात विराजमान झाले. अनेक बॉलीवूड कलाकारांच्याही घरी बाप्पांचे जल्लोषात आगमन झाले. ज्येष्ठ अभिनेते जितेंद्र, ऋषि कपूर यांच्यासह बॉलीवूडचा 'दबंग' खान सलमानच्याही घरी मोठ्या उत्साहात गणरायाचे आगमन झाले. अभिनेता विवेक ओबेरॉयनेही आपल्या घरी बाप्पांची प्राणप्रतिष्ठापणा केली. तर, अभिनेत्री मनिषा कोयरालाने मुंबईकरांचे श्रद्धास्थान असलेल्या सिद्धिविनायक मंदीरात पहाटे काकड आरतीला उपस्थिती लावली. मास्टरब्लास्टर सचिन तेंडुलकरने सहकुटुंब लालबागच्या राजाचे दर्शन घेतले.
