scorecardresearch

अभिनेत्रीनं दाखवला ब्रेस्ट कॅन्सरच्या सर्जरीचा व्रण, सांगितला वेदानादायी अनुभव

छवी मित्तलनं सर्जरी झाल्यानंतरच्या व्रणाचा फोटो शेअर केला आहे.

chhavi mittal, chhavi mittal instagram, breast cancer, scars of breast cancer surgery, chhavi mittal breast cancer surgery, chhavi mittal scars photo, छवी मित्तल, छवी मित्तल इन्स्टाग्राम, छवी मित्तल ब्रेस्ट कॅन्सर सर्जरी, छवी मित्तल सर्जरी व्रण
वयाच्या ४१ व्या वर्षी छवी मित्तल जीवघेण्या आजारीशी लढत आहे.

अभिनेत्री छवी मित्तल मागच्या काही काळापासून स्तनाच्या कर्करोगाशी झुंज देत आहे. अलिकडेच तिनं यावर शस्त्रक्रिया करून घेतली. या बाबत तिनं नुकतीच सोशल मीडियावर एक पोस्ट केली आहे. सोशल मीडियावर तिने तिच्या शस्त्रक्रियेनंतरचा एक फोटो शेअर करत खूपच भावुक पोस्ट लिहिली आहे. वयाच्या ४१ व्या वर्षी छवी मित्तल जीवघेण्या आजारीशी लढत आहे. मात्र सोशल मीडियाच्या माध्यमातून चाहत्यांना प्रेरणा देण्याचं काम देखील करताना दिसत आहे.

छवी मित्तलनं इन्स्टाग्रामवर एक फोटो शेअर करताना लिहिलं, “मी जे सहन केलं ते कल्पनेच्या पलिकडचं होतं. आज मी जिमला गेले होते. पण मी माझ्या उजव्या हाताचा वापर अजूनही करू शकत नाही. मी प्रयत्न केला मात्र वजन उचलू शकले नाही. अगोदर मी स्क्वॅट्स, लंग्स, बल्गेरियाई स्प्लिट स्क्वॅट्स, सिंगल लेग स्क्वॅट्स आणि सूमो स्क्वॅट्स करायचे. पण आता ते शक्य नाही. पण मी आता याबाबत तक्रार देखील करू शकत नाही. मी तर आता माझ्या काखेतून दिसणाऱ्या या सर्जरीच्या व्रणाचंही काही करू शकत नाही. माझ्या डॉक्टरांना माझा अभिमान वाटतो आणि मला देखील.”

आणखी वाचा- “मी आनंद दिघेंच्या गेटअपमध्ये व्हॅनिटीमधून बाहेर पडलो अन्…” प्रसाद ओकने सांगितला ‘धर्मवीर’च्या सेटवरील किस्सा

छवीनं पुढे लिहिलं, “माझं म्हणणं आहे की मानसिकरित्या खंबीर झाल्याशिवाय आपण शारिरीकरित्या मजबूत होऊ शकत नाही. मी आज हे पाऊल उचलतानाही घाबरत होते. मी स्वतःला मानसिक शक्ती देण्यासाठी काही मिनिटांचा वेळ दिला. अखेर मेंदूचं ऐकल्याशिवाय आपण कृती करूच शकत नाही. त्यामुळे मानसिकरित्या खंबीर होणं महत्त्वाचं आहे.”

छवी मित्तलनं तिच्या या पोस्टमधून लोकांमध्ये स्तनाच्या कर्करोगाविषयी जनजागृती करण्याचा प्रयत्न केला आहे. आपल्या पोस्टमध्ये तिनं शस्त्रक्रियेनंतर शरीरात झालेल्या बदलांविषयी सांगितलं आहे. तसेच या वेदनांतून जात असताना मानसिकरित्या जे सहन करावं लागलं ते सर्वात कठीण होतं असंही म्हटलं आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Chhavi mittal proudly showed the scars of breast cancer surgery post goes viral mrj

ताज्या बातम्या