मागच्या काही दिवसांपासून मराठमोळा अभिनेता चिन्मय मांडलेकर सोशल मीडियावर सातत्यानं चर्चेत आहे. अलिकडेच प्रदर्शित झालेल्या विवेक अग्निहोत्री यांच्या 'द कश्मीर फाइल्स' चित्रपटात चिन्मयनं 'बिट्टा कराटे' ही भूमिका साकारली आहे. ज्याची सर्वत्र जोरदार चर्चा सुरू आहे. विशेष म्हणजे त्याआधी 'पावनखिंड' चित्रपटात तो 'छत्रपती शिवाजी महाराज' यांच्या भूमिकेत दिसला होता. या दोन्ही भूमिकांबाबत एका मुलाखतीत त्याला प्रश्न विचारण्यात आला. पण त्यावेळी असं काही घडलं की चिन्मयच्या एका कृतीने सर्वांचं लक्ष वेधून घेतलं. 'द कश्मीर फाइल्स' या चित्रपटात बिट्टाची भूमिका साकारणारा अभिनेता चिन्मय मांडलेकर नुकतंच एका वाहिनीला मुलाखत दिली. त्यावेळी त्या वाहिनीच्या मुलाखत घेणाऱ्या अँकरने चिन्मयचा परिचय देण्यास सुरुवात केली. यावेळी त्या अँकरने छत्रपती शिवाजी महाराज यांचा उल्लेख शिवाजी असा केला. यावर चिन्मयने त्याला थांबवत छत्रपती शिवाजी महाराज असा उल्लेख करावा असे फार प्रेमळ शब्दात सांगितले. त्यावेळी त्याचे महाराजांबद्दल असलेले प्रेम पाहून चाहते भारावून गेले. नुकतंच याबाबतचा एक व्हिडीओ सोशल मीडियावर व्हायरल होताना दिसत आहे. आणखी वाचा- The Kashmir Files वर आर माधवनची प्रतिक्रिया चर्चेत; म्हणाला “मला खूप…” चिन्मयनं या मुलाखतीचा व्हिडीओ त्याच्या इन्स्टाग्रामवर शेअर केला आहे. हा व्हिडीओ शेअर करताना त्यानं कॅप्शनमध्ये लिहिलं, 'कारण काही गोष्टी 'Optional' नसतात. कधीच. छत्रपती शिवाजी महाराज की जय.' अनेकांनी या पोस्टवर लाइक आणि कमेंट्स केल्या आहेत. अनेकांनी हा व्हिडीओही आवडल्याचे कमेंटमध्ये म्हटले आहे. 'यासाठी तुझा खूप अभिमान वाटतो' असंही अनेक युजर्सनी चिन्मयला म्हटलं आहे. आणखी वाचा- पत्नी जया बच्चनसमोर अमिताभ यांनी रेखा यांना लावला होता रंग, अन्… दरम्यान काही दिवसांपूर्वी प्रदर्शित झालेल्या दिग्पाल लांजेकर यांच्या 'पावनखिंड' चित्रपटात चिन्मय मांडलेकरनं छत्रपती शिवाजी महाराजांची भूमिका साकारली होती. ज्याची सोशल मीडियावर जोरदार चर्चा झाली होती. त्यानंतर 'द कश्मीर फाइल्स'मध्ये त्यानं साकारलेली खलनायकी भूमिका 'बिट्टा कराटे' देखील सोशल मीडियावर बरीच चर्चेत आहे.
