Comedian parag kansara died due to heart attack rnv 99 | मनोरंजनसृष्टीवर शोककळा, प्रसिद्ध कॉमेडीयन पराग कंसारा यांचं निधन | Loksatta

मनोरंजनसृष्टीवर शोककळा, प्रसिद्ध कॉमेडीयन पराग कंसारा यांचं निधन

पराग कंसारा यांच्या निधनाची बातमी कॉमेडीयन सुनील पाल यांनी दिली आहे.

मनोरंजनसृष्टीवर शोककळा, प्रसिद्ध कॉमेडीयन पराग कंसारा यांचं निधन

काही दिवसांपूर्वीच प्रसिद्ध कॉमेडीयन राजू श्रीवास्तव यांचे निधन झाले. त्यांच्या निधनाच्या बातमीने सगळ्यांनाच धक्का बसका. त्या धक्क्यातून लोक सावरत नाहीत तोच आणखी एका लोकप्रिय विनोदवीराच्या निधनाची बातमी समोर आली आहे. ‘द ग्रेट इंडियन लाफ्टर चॅलेंज’ शोच्या पहिल्या सीझनमधून प्रेक्षकांचे भरभरून मनोरंजन केलेल्या विनोदवीर पराग कंसारा यांचे निधन झाले आहे.

आणखी वाचा : Video: ‘आदिपुरुष’ला मिळणाऱ्या प्रतिक्रियांमुळे प्रभास दिग्दर्शक ओम राऊतवर चिडला?, व्हिडिओ व्हायरल

गुजरातमधील वडोदरा येथे हृदयविकारच्या झटक्याने त्यांचे निधन झाले. पराग कंसारा यांच्या निधनाची बातमी कॉमेडीयन सुनील पाल यांनी इंस्टाग्रामवर एक व्हिडिओ शेअर करत दिली आहे. या व्हिडीओत ते म्हणाले, “नमस्कार आणखी एक हृदय हेलावून टाकणारी बातमी समोर आली आहे आणि तीही कॉमेडी विश्वातून. ‘लाफ्टर चॅलेंज’ या शोमधील आमचे मित्र पराग कंसारा यांनी जगाचा निरोप घेतला आहे. ‘उलटा सोच’ असं म्हणत जे सगळ्यांना उलटा विचार करण्यास सांगून खळखळून हसवत होते तेच पराग कंसारा आज आपल्यात नाहीत.” पराग हे अत्यंत उत्कृष्ट आणि मुरलेले कलाकार होते असेही सुनील पाल व्हिडिओत म्हणाले. पराग कंसारा यांच्याबद्दल बोलताना सुनील पाल अत्यंत भावुक झाले होते.

हेही वाचा : “त्याने अनेक वर्षे अनेकांना हसवले पण…”, राजू श्रीवास्तव यांच्या शोकसभेत जॉनी लीव्हर झाले भावुक

‘द ग्रेट इंडियन लाफ्टर चॅलेंज’ शोच्या पहिल्या सीजनमध्ये पराग कंसारा स्पर्धक म्हणून आले होते. ‘लाफ्टर चॅलेंज’ मधून प्रसिद्धी मिळाल्यानंतर त्यांनी हजारो स्टँडअप कॉमेडीचे लाईव्ह शो केले होते. सुनील पाल यांच्या या व्हिडीओवर कमेंट्स करत नेटकरी पराग कंसारा यांच्या निधनाबद्दल हळहळ व्यक्त करत आहेत.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
‘आदिपुरुष’ प्रदर्शनापूर्वीच वादाच्या भोवऱ्यात, मात्र प्रभास-सैफ अली खानने घेतलं कोट्यवधी रुपयांचं मानधन

संबंधित बातम्या

अभिनेत्री मिनाक्षी शेषाद्री आणि जॅकी श्रॉफची अनेक वर्षांनी झाली भेट, अभिनेत्री फोटो शेअर करत म्हणाली…
“तुम्ही जन्मत:च हिंस्र विकृत आहात की…” सुमीत राघवनला नेटकऱ्याचा प्रश्न; अभिनेत्याच्या आरे कारशेडवरील ‘त्या’ वादग्रस्त ट्वीटनंतर रंगले ट्विटर वॉर
सिद्धू मुसेवाला हत्येप्रकरणी दिलजीत दोसांझचं मोठं विधान; म्हणाला “सरकारचा नालायकपणा…”
राणा दग्गुबाती भारतातील प्रसिद्ध विमान कंपनीवर संतापला; ट्वीट करत म्हणाला…

व्हिडिओ

ताज्या बातम्या
‘मविआ’चा १७ डिसेंबरला महामोर्चा; राज्यपाल, सीमाप्रश्नाबाबत आक्रमक भूमिका
महिलांची ‘आयपीएल’ स्पर्धा महत्त्वाची -हरमनप्रीत कौर
FIFA World Cup 2022: पोर्तुगालसमोर स्विर्त्झंलडचे आव्हान
सेवाभावी कामांमागे धर्मांतराचा हेतू असू नये!; सर्वोच्च न्यायालयाची टिप्पणी