२००८मध्ये प्रदर्शित झालेला ‘दे धक्का’ चित्रपट तुम्हाला आजही आठवत असणारच. मकरंद अनासपुरे, सिद्धार्थ जाधव, शिवाजी साटम या त्रिकुटाने या चित्रपटामध्ये कमाल केली. आता हीच धमाल प्रेक्षकांना पुन्हा एकदा अनुभवायला मिळणार आहे. ‘दे धक्का’ चित्रपटाचा दुसरा भाग लवकरच प्रदर्शित होणार आहे. पण त्याचपूर्वी चित्रपटाचा टीझर प्रदर्शित करण्यात आला आहे. या टीझरमध्ये चित्रपटामधील कलाकारांचा लूक पाहायला मिळत आहे. तसेच एका नव्या अभिनेत्रीची देखील या चित्रपटामध्ये एण्ट्री झाली आहे.

आणखी वाचा – VIDEO : लंडनमध्ये रंगला सोनम कपूरचा डोहाळे जेवणाचा कार्यक्रम, धम्माल सेलिब्रेशन अन् गाण्यांची मैफिल

drishyam-hollywood-remake
‘दृश्यम’बद्दल मोठी अपडेट समोर; कोरीअन रिमेकनंतर आता चित्रपटाचा बनणार आता हॉलिवूडमध्ये रिमेक
marathi actress Amruta Subhash and sandesh kulkarni Love story Entdc
पहिल्या भेटीतलं प्रेम, १७व्या वर्षी लग्नाची मागणी अन् मूल होऊ न देण्याचा निर्णय; वाचा अमृता सुभाषची फिल्मी लव्हस्टोरी
Taapsee Pannu reacts on wedding with Mathias Boe
तापसी पन्नू विदेशी बॉयफ्रेंडशी मार्चमध्ये लग्न करणार? अभिनेत्रीने चर्चांवर सोडलं मौन, म्हणाली, “मी कधीही…”
aamir-khan2
ठरलं! ‘या’ चित्रपटातून आमिर खान करणार दमदार कमबॅक; प्रदर्शनाबद्दल मिस्टर परफेक्शनिस्टचा खुलासा

‘थांबायचं नाय, गड्या थांबायचं नाय, घाबरायचं नाय, गड्या घाबरायचं नाय…’ म्हणत अभिनेता सिद्धार्थ जाधवने या चित्रपटाचा टीझर त्याच्या इन्स्टाग्राम अकाऊंटवरुन शेअर केला आहे. या टीझरमध्ये चित्रपटामधील पात्र मकरंद जाधव, सुमती जाधव, धनाजी, सूर्यभान जाधव, सायली आणि किसना पाहायला मिळत आहे. सायली हे पात्र अभिनेत्री गौरी इंगवले साकारणार आहे. गौरीची या चित्रपटामध्ये नव्याने एण्ट्री झाली आहे.

चित्रपटाच्या टीझरमध्ये काळी-पिवळी टॅक्सी नव्हे तर कार दिसत आहे. शिवाय चित्रपटाच्या दुसऱ्या भागात जाधव कुटुंबियांची लंडन वारी पाहायला मिळणार आहे. या चित्रपटाचं दिग्दर्शन महेश मांजरेकर आणि सुदेश मांजरेकर यांनी केलं आहे. तसेच अमेय खोपकर यांच्या बॅनरअंतर्गत या चित्रपटाची निर्मिती करण्यात आली आहे.

आणखी वाचा – सलग तीन चित्रपट सुपरफ्लॉप, तरीही अक्षयने घेतला मोठा निर्णय, आमिरच्या ‘लाल सिंह चड्ढा’ला देणार टक्कर

येत्या ५ ऑगस्टला ‘दे धक्का २’ चित्रपटगृहामध्ये दाखल होणार आहे. या चित्रपटाचे पहिले पोस्टर प्रदर्शित झाले आणि तिथपासूनच चित्रपटाबाबत प्रेक्षकांमध्ये उत्सुकता निर्माण झाली होती. आता चित्रपटाच्या नव्या भागामध्ये काय पाहायला मिळणार? हे पाहणं औत्सुक्याचं ठरणार आहे.