‘ससुराल सिमर का’ फेम अभिनेत्री दीपिका कक्कर लग्नानंतर टीव्ही इंडस्ट्रीमध्ये फारशी दिसलेली नाही. काही ठराविक मालिका वगळता दीपिका अभिनय क्षेत्रापासून दूर असल्याचं पाहायला मिळत आहे. दरम्यान हे दोघंही त्यांच्या युट्यूब व्लॉगच्या माध्यमातून त्याच्या चाहत्यांशी संवाद साधताना दिसतात. याशिवाय हे दोघंही सोशल मीडियावरही वेगवेगळे फोटो आणि व्हिडीओ शेअर करताना दिसतात. पण नुकत्याच शेअर केलेल्या काही फोटोंमुळे मात्र शोएब आणि दीपिकाला सोशल मीडियावर ट्रोल केलं जात आहे.

या बातमीसह सर्व प्रीमियम कंटेंट वाचण्यासाठी साइन-इन करा

दीपिका आणि शोएब यांनी नुकतीच अजमेर शरीफ दर्ग्याला भेट दिली. याचे काही फोटो शोएबने त्याच्या इन्स्टाग्रावर शेअर केले आहेत. ज्यात दीपिकानं असे कपडे परिधान केले आहेत ज्यात तिचा पूर्ण चेहरा झाकला गेला आहे. दीपिका- शोएबचे हे फोटो सध्या सोशल मीडियावर चर्चेचा विषय ठरताना दिसत आहेत. त्यांच्या चाहते या फोटोंवरून त्यांचं कौतुक करताना दिसत असले तरी काही युजर्स मात्र या दोघांना ट्रोल करताना दिसत आहेत. एवढंच नाही तर काहींनी दीपिकाच्या दर्गा दर्शनावर आक्षेप घेतला आहे.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Deepika kakkar and shoaib ibrahim got trolled for visit ajmer sharif mrj
First published on: 08-01-2022 at 15:20 IST