Did BJP help vivek agnihotri to promote the Kashmir files? Director said…rnv 99 |'द काश्मीर फाईल्स' चित्रपटाच्या प्रमोशनमागे 'भाजपा'? विवेक अग्निहोत्रींनी केला खुलासा | Loksatta

‘द काश्मीर फाईल्स’ चित्रपटाच्या प्रमोशनमागे ‘भाजपा’? विवेक अग्निहोत्रींनी केला खुलासा

जेव्हा ‘द काश्मीर फाईल्स’सारखे चांगल्या आशयाचे छोटे बजेट चित्रपट येतात आणि त्यांना विरोध केला जातो तेव्हा कोणीही त्या चित्रपटाचे समर्थन का करत नाही?

‘द काश्मीर फाईल्स’ चित्रपटाच्या प्रमोशनमागे ‘भाजपा’? विवेक अग्निहोत्रींनी केला खुलासा

गेले काही दिवस ‘लाल सिंह चढ्ढा’ चित्रपटावर बहिष्कार टाकण्यावरून सोशल मीडियावर बऱ्याच चर्चा सुरू आहेत. चित्रपटाच्या समर्थनार्थ बॉलिवूडमधील सर्व चित्रपट कलाकार पुढे आले असून त्यांनी प्रेक्षकांनी चित्रपट पाहण्याचे आवाहन केले आहे. ‘लाल सिंग चढ्ढा’मध्ये मुख्य भूमिका साकारणारी अभिनेत्री करीना कपूरनेही सोशल मीडियावर लोकांना चित्रपट पाहण्याचे आवाहन केले. त्याचवेळी, आता चित्रपट दिग्दर्शक विवेक अग्निहोत्री यांनी बहिष्काराच्या ट्रेंडवर प्रतिक्रिया देत करीना कपूरच्या आवाहनाचा समाचार घेतला.

आणखी वाचा : ‘रॉकेट्री’ चित्रपटाची निर्मिती करताना आर माधवनने गमावले आपले घर? अभिनेत्याने केला खुलासा

विवेक अग्निहोत्री म्हणाले, “जेव्हा ‘द काश्मीर फाईल्स’सारखे चांगल्या आशयाचे कमी बजेट असलेले चित्रपट येतात आणि त्यांना विरोध केला जातो, तेव्हा कोणीही त्या चित्रपटाचे समर्थन का करत नाही? जेव्हा या इंडस्ट्रीतील स्वतंत्र चित्रपट निर्माते एक कमी बजेटचा चित्रपट बनवतात आणि तो प्रदर्शित होतो, तेव्हा बॉलिवूड माफिया चित्रपटावर बहिष्कार टाकतात. जेव्हा त्यांचे शो मल्टिप्लेक्समधून काढून घेतले जातात, तेव्हा हीच मंडळी कमी बजेट असलेल्या चित्रपटांविरोधात गटबाजी करतात. मग तेव्हा त्या चित्रपटासाठी मेहनत घेणाऱ्या २५० गरीब लोकांचा कोणीच विचार का करत नाही.”

हे सगळं बोलत असताना ‘द काश्मीर फाईल्स’ या चित्रपटाचं प्रमोशन करण्यात ‘भाजपा’ने त्यांना मदत केली, याबद्दलही काही महत्वाचे खुलासे केले. ते म्हणाले, “‘द काश्मीर फाईल्स’ सारख्या चित्रपटाद्वारे एखाद्या ठराविक गोष्टींचा प्रचार होतो, असं अनेकदा म्हटलं जातं. अशा चित्रपटांना ‘प्रपोगांडा फिल्म्स’ असंही वाईट अर्थाने म्हटलं जातं. या चित्रपटाचं प्रमोशन करण्यात भाजपाने आम्हाला मदत केली, त्यांनीही आमच्या चित्रपटाचं प्रमोशन केलं, असा अनेकांचा समज आहे. पण तसं अजिबात काही झालेलं नाही.”

हेही वाचा : ‘द कश्मीर फाईल्स’ला ऑस्करपासून दूर लोटायचा बॉलिवूडचा डाव : विवेक अग्निहोत्री अनुराग कश्यपवर भडकले

या चित्रपटाच्या प्रमोशनला आम्ही नोव्हेंबरमध्ये सुरुवात केली. भारतात या चित्रपटाची होर्डिंग्स लागण्याआधी अमेरिका, युरोप येथे त्याची जवळपास ३० स्क्रीनिंग्स झाली. परदेशात काही हजार प्रेक्षकांनी ‘द काश्मीर फाईल्स’ बघितला होता आणि त्याचं कौतुक केलं होतं. चित्रपट प्रदर्शित होण्यापूर्वीच सोशल मिडियावर सगळीकडे प्रेक्षकच हा चित्रपट बघण्याचं आवाहन करत होते. चित्रपट भारतात प्रदर्शित झाल्यावर त्याला मिळणारं यश बघून राजकारणी आणि मीडियाचे लक्ष आमच्या चित्रपटाकडे वळले.”

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
विश्लेषण : घटस्फोटाच्या प्रकरणातून बाहेर पडताच जॉनी डेप बनवतोय चित्रकार मोडीलियानीच्या जीवनावर चित्रपट; कोण आहे मोडीलियानी?

संबंधित बातम्या

‘आरआरआर’, ‘केजीएफ’ नव्हे तर ‘या’ चित्रपटाला लोकांनी सर्वाधिक सर्च केलंय; गुगलने दिली माहिती
“दीपाली सय्यद यांनी चॅरिटेबल ट्रस्टच्या माध्यमातून बोगस लग्न लावली”, माजी स्वीय्य सहाय्यकाचे गंभीर आरोप; राज्यपालांवर
‘पसूरी’, ‘श्रीवल्ली’ की ‘चांद बालियां’? पाहा कोणतं आहे २०२२ मधील सर्वात लोकप्रिय गाणं
‘कधी तिच्यासोबत मंदिरातही जा..’ अजमेर शरीफला गेल्यानं शोएब- दीपिका ट्रोल
नोरा फतेहीला डान्सरचा चुकीच्या पद्धतीने स्पर्श; व्हिडीओ व्हायरल

व्हिडिओ

ताज्या बातम्या
चीनमध्ये जनआंदोलनानंतर करोना निर्बंध शिथिल 
तृतीयपंथीयांना नोकरीची संधी डावलता येणार नाही; उच्च न्यायालयाने राज्य सरकारला फटकारले
नेत्यांकडे स्वत:ची मते, व्यासंग असावा – देवेंद्र फडणवीस
गोवर रुग्णांच्या नमुन्यांच्या तपासणीसाठी हाफकीन तयार
Maharashtra Karnataka border: एसटीच्या ३८२ फेऱ्या अंशत: रद्द