बॉलिवूड दिग्दर्शक विवेक अग्निहोत्री यांचा ‘द कश्मीर फाइल्स’ बॉक्स ऑफिसवर धमाकेदार कमाई करत आहे. १९९० साली काश्मिरी पंडितांवर झालेले अत्याचार आणि त्यांचं पलायन यावर आधारित असलेल्या या चित्रपटाला सध्या प्रेक्षकांचं खूप प्रेम मिळताना दिसत आहे. मात्र एक गट असाही आहे जे या चित्रपटाला विरोध करताना दिसत आहे. अशात आता विवेक अग्निहोत्री यांचा एक व्हिडीओ सोशल मीडियावर व्हायरल झाला आहे. ज्यात त्यांनी भोपाळी म्हणजे होमोसेक्शुअल असं म्हटलं आहे. यावर काँग्रेस नेते दिग्विजय सिंह यांनी संतप्त प्रतिक्रिया दिली आहे.

काँग्रेस नेते दिग्विजय सिंह यांचं विवेक अग्निहोत्री यांच्याबाबतचं ट्वीट सध्या सोशल मीडियावर चर्चेत आहे. सध्या विवेक अग्निहोत्री यांचा एक व्हिडीओ सोशल मीडियावर व्हायरल होताना दिसत आहे. हा व्हिडीओ एका मुलाखतीची क्लिप आहे. या व्हिडीओमध्ये ते भोपाळी लोकांबद्दल बोलताना दिसत आहे. ते म्हणतात, ‘मी भोपाळमध्ये लहानाचा मोठा झालो आहे. पण मी भोपाळी नाही आहे. कारण भोपाळी खूप वेगळे असतात. मी तुम्हाला कधीतरी खाजगीत सांगेन. कोणत्याही भोपाळीला विचारा, भोपाळीचा अर्थ होमोसेक्शुअल आहे, नवाबी शौक असणारा.’

dombivli, akhil bhartiya brahman mahasangh
जातीय तेढ निर्माण करणाऱ्या विरोधात गुन्हा दाखल करा, अखिल भारतीय ब्राह्मण महासंघाची डोंबिवली पोलीस ठाण्यात तक्रार
Sita & Akbar: How names of two lions became the reason for a plea in Calcutta High Court
अकबराची बहीण लक्ष्मी? अकबर, सीता, तेंडुलकर आदी नावं प्राण्यांना द्यायची पद्धत कशी पडली?
Pooja Sawant Siddhesh Chavan Wedding Photos Out
पिवळी नऊवारी, सातफेरे अन्…; पूजा सावंतच्या लग्नाचा मराठमोळा थाट, अभिनेत्रीने शेअर केले विवाहसोहळ्यातील खास क्षण
sanjay-dutt-salman-khan
जेव्हा संजय दत्त व सलमान खान यांना घेऊन बनणार होती एक गे लव्हस्टोरी…; किस्सा जाणून घ्या

आणखी वाचा- शरद पवारांच्या नातवाचा प्रसिद्ध अभिनेत्रीसोबत फोटो व्हायरल, चर्चांना उधाण

विवेक अग्निहोत्री यांचा हा व्हिडीओ आपल्या ट्विटरवर शेअर करताना दिग्विजय सिंह यांनी संतप्त प्रतिक्रिया दिली आहे. त्यांनी आपल्या ट्वीटमध्ये लिहिलं, ‘विवेक अग्निहोत्रीजी हा तुमचा स्वतःचा वैयक्तिक अनुभव असू शकतो. हा भोपाळच्या सामान्य रहिवाशाचा अनुभव नाही. मी ७७ पासून भोपाळ आणि भोपाळींच्या संपर्कात आहे पण मला हा अनुभव कधीच आला नाही. तुम्ही कुठेही राहिलात तरी ‘संगतीचा प्रभाव असतोच.’

आणखी वाचा- तब्बल ३ महिन्यांनंतर समोर आलं विकी- कतरिनाच्या लग्नाचं धक्कादायक सत्य, विवाहित असूनही…

दरम्यान दिग्विजय सिंह यांच्या या ट्वीटवर विवेक अग्निहोत्री यांनी अद्याप उत्तर दिलेलं नाही. त्यामुळे आता यावर दिग्दर्शक विवेक अग्निहोत्री काय म्हणतात याकडे सर्वांचं लक्ष लागलेलं आहे. दरम्यान या चित्रपटानं बॉक्स ऑफिसवर चांगली कमाई केली आहे. या चित्रपटात अनुपम खर, पल्लवी जोशी, मिथुन चक्रवर्ती, दर्शन कुमार यांच्या मुख्य भूमिका आहेत.