Entertainment News Updates, 08 June : सध्या मनोरंजन क्षेत्रात सर्वाधिक चर्चेचा मुद्दा आहे तो म्हणजे अभिनेत्री कंगना रणौतची नूपुर शर्मा प्रकरणावरील प्रतिक्रिया. दरम्यान भाजपच्या राष्ट्रीय प्रवक्त्या नूपुर शर्मा यांनी प्रेषित मोहम्मद यांच्याबद्दल अवमानकारक वक्तव्य केल्यानंतर जगभरातील अनेक देशांनी यावर आक्षेप घेतला आहे. त्यानंतर भाजपनं त्यांना निलंबित केलं. मात्र कंगनानं यावर प्रतिक्रिया देताना नूपुर शर्माला पाठिंबा देत लोकशाहीवर भाष्य केलं आहे. याशिवाय प्रसिद्ध अभिनेत्री शिल्पा शेट्टी आज ४६ वा वाढदिवस साजरा करत आहे. तसेच 'रामायण' मालिकेतून प्रसिद्धी मिळालेले प्रसिद्ध अभिनेते अरुण गोविल पुन्हा एकदा चर्चेत आले आहे. अरुण गोविल यांनी नुकतीच एक महागडी कार खरेदी केली असून. सध्या सोशल मीडियावर याची जोरदार चर्चा होताना दिसत आहे. मनोरंजन क्षेत्रातील अशा अनेक महत्वाच्या घडामोडी तुम्ही इथे एका क्लिकवर पाहू शकता.
