Fatima sana shaikh will play role of indira gandhi in sam bahadur join with vicky kaushal and sanya malhotra mrj 95 | विकी कौशलच्या ‘सॅम बहदुर’मध्ये ‘ही’ अभिनेत्री दिसणार इंदिरा गांधी यांच्या भूमिकेत | Loksatta

विकी कौशलच्या ‘सॅम बहादूर’मध्ये ‘ही’ अभिनेत्री साकारणार इंदिरा गांधी यांची भूमिका

मागच्या काही काळापासून आपल्या रॉयल वेडिंगमुळे चर्चेत असलेला विकी कौशल लवकरच त्याचा आगामी चित्रपट सॅम बहादूरच्या शूटिंगला सुरुवात करणार आहे.

विकी कौशलच्या ‘सॅम बहादूर’मध्ये ‘ही’ अभिनेत्री साकारणार इंदिरा गांधी यांची भूमिका
विकीनं त्याच्या इन्स्टाग्रामवर फोटो पोस्ट करत याबाबत माहिती दिली आहे.

गेल्या काही दिवसांपासून आपल्या शाही विवाह सोहळ्यामुळे सोशल मीडियावर चर्चेचा विषय ठरलेला अभिनेता विकी कौशल लवकरच बहुचर्चित चित्रपट ‘सॅम बहादूर’मध्ये झळकणार आहे. मागच्या बऱ्याच काळापासून या चित्रपटाची सोशल मीडयावर जोरदार चर्चा सुरू आहे. यातील विकी कौशलच्या लूकची सर्वाधिक चर्चा झाली होती. त्यानंतर आता विकी कौशलच्या इन्स्टाग्राम पोस्टमुळे हा चित्रपट पुन्हा एकदा सोशल मीडियावर चर्चेत आला आहे. या चित्रपटाबाबत विकीनं सोशल मीडियावर पोस्ट करत चाहत्यांसोबत आनंदाची बातमी शेअर केली आहे.

विकी कौशलची मुख्य भूमिका असलेला ‘सॅम बहादूर’ हा चित्रपट भारताचे पहिले फिल्ड मार्शल सॅम माणेकशा यांच्या जीवनावर आधारित आहे. त्यामुळे या चित्रपटात देशाच्या पहिल्या महिला पंतप्रधान श्रीमती इंदिरा गांधी यांची भूमिका कोण साकारणार याबाबत सर्वांनाच उत्सुकता होती. पण आता या भूमिकेत कोणती अभिनेत्री दिसणार याची माहिती विकी कौशलनं त्याच्या इन्स्टाग्राम पोस्टमधून दिली आहे. विकीनं त्याच्या इन्स्टाग्रामवर अभिनेत्री सान्या मल्होत्रा, फातिमा सना शेख आणि मेघना गुलजार यांच्यासोबतचा एक फोटो शेअर केला आहे. जो सोशल मीडियावर चर्चेचा विषय ठरताना दिसत आहे.

विकीनं त्याच्या इन्स्टाग्रामवर फोटो पोस्ट करताना लिहिलं, ‘आजचा दिवस आमच्यासाठी खूप खास आहे कारण आम्ही आज मेघना गुलजार यांचा वाढदिवस साजरा करत आहोत आणि यासोबतच आमच्या चित्रपटातील मुख्य भूमिकेतील अभिनेत्रींचे स्वागत करत आहोत.’ तसेच या चित्रपटात अभिनेत्री सान्या मल्होत्रा सॅम माणेकशा यांची पत्नी सिल्लू मानेकशा यांच्या भूमिकेत तर अभिनेत्री फातिमा सना शेख श्रीमती इंदिरा गांधी यांच्या भूमिकेत दिसणार असल्याचंही विकीनं त्याच्या पोस्टमध्ये स्पष्ट केलं आहे. याशिवाय मेघना गुलजार, अभिनेत्री सान्या मल्होत्रा आणि फातिमा सना शेख यांनाही त्यांच्या सोशल मीडिया अकाउंटवर पोस्ट शेअर करत याची माहिती दिली आहे.

माणेकशा यांची लष्करी कारकीर्द चार दशके आणि पाच युद्धांची होती. फील्ड मार्शल पदावर पदोन्नती मिळालेले ते पहिले भारतीय सैन्य अधिकारी होते आणि 1971 च्या भारत-पाक युद्धात भारतीय लष्कराचा निर्णायक विजय लष्करप्रमुख म्हणून त्यांच्या नेतृत्वाखाली झाला होता. विशेष म्हणजे या वर्षी 1971 च्या युद्धाला 50 वर्षे पूर्ण झाली.

विकी कौशलची मुख्य भूमिका असलेल्या ‘सॅम बहादूर’ या चित्रपटाचं दिग्दर्शन प्रसिद्ध दिग्दर्शिका मेघना गुलजार करत आहेत. दरम्यान विकी कौशल काही दिवसांपूर्वीच त्याची गर्लफ्रेंड आणि अभिनेत्री कतरिना कैफसोबत लग्नाच्या बेडीत अडकला. ज्याची सर्वत्र जोरदार चर्चा झाली होती. आता लग्नानंतर लवकरच विकी कौशल आणि टीम ‘सॅम बहादूर’च्या शूटिंगला सुरुवात करणार आहेत.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
माझ्यावर बायोपिक बनली तर ‘या’ अभिनेत्याने साकारावी प्रमुख भूमिका, बिग बॉसच्या स्पर्धकाने व्यक्त केली इच्छा

संबंधित बातम्या

“हा प्रोपगंडा आणि वल्गर चित्रपट…” IFFI मध्ये मुख्य ज्यूरींनीच साधला ‘द काश्मीर फाईल्स’वर निशाणा
“तो माझ्यापेक्षा वयाने…” ऋतुराज गायकवाडबरोबरच्या अफेअरच्या चर्चांवर सायली संजीवने केलेले उघडपणे भाष्य
“एवढ्या खालच्या थराला…” मानसी नाईकने सांगितले घटस्फोट घेण्यामागचे कारण
“सतत एकेरी उल्लेख करतोय कारण…” विक्रम गोखलेंच्या निधनानंतर शरद पोंक्षे यांचं ट्वीट चर्चेत
“वहिनी काय बॅटिंग….” ऋतुराज गायकवाडच्या खेळीनंतर सायली संजीवच्या फोटोवर नेटकऱ्यांच्या भन्नाट कमेंट

व्हिडिओ

ताज्या बातम्या
सुरतमध्ये रोड शोवरील दगडफेकीनंतर केजरीवालांचा भाजपावर हल्लाबोल; म्हणाले, “२७ वर्षे काम केलं…”
लाचलुचपत प्रतिबंधक विभागाच्या महिला पोलीस निरीक्षकासह पतीच सापळ्यात अडकला; औरंगाबाद येथील पथकाची कारवाई
बाईक टॅक्सी ॲपवर १० डिसेंबरपर्यंत कारवाई करण्याचे आश्वासन; पुण्यातील रिक्षाचालकांचा बंद अखेर मागे
“हा प्रोपगंडा आणि वल्गर चित्रपट…” IFFI मध्ये मुख्य ज्यूरींनीच साधला ‘द काश्मीर फाईल्स’वर निशाणा
VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी