बहुचर्चित आणि बहुप्रतिक्षित 'धडक' या चित्रपटाचा ट्रेलर प्रदर्शित झाला. या चित्रपटातून दिवंगत अभिनेत्री श्रीदेवी यांची मुलगी जान्हवी कपूर बॉलिवूडमध्ये पदार्पण करत आहे. त्यामुळे जान्हवी आणि संपूर्ण कपूर कुटुंबासाठी हा दिवस खास ठरला. आईच्या आठवणीने यावेळी जान्हवीच्या बहिणीला अश्रू अनावर झाले. पण जान्हवीच्या पाठीशी खंबीरपणे उभं असल्याचं बॉलिवूडने दाखवून दिलं. बऱ्याच सेलिब्रिटींनी सोशल मीडियाच्या माध्यमातून जान्हवीला शुभेच्छा दिल्या आणि इंडस्ट्रीमध्ये पहिलं पाऊल ठेवताना तिचं ग्रँड वेलकमदेखील केलं. सोशल मीडियावर सध्या 'धडक'चीच चर्चा पाहायला मिळतेय. सोमवारी सकाळपासूनच धडक आणि जान्हवीचा हॅशटॅग ट्विटरवर ट्रेण्ड झाला. अनिल कपूर, आलिया भट्ट, गौरी शिंदे, वरूण धवन, नेहा धुपिया अशा बऱ्याच सेलिब्रिटींनी जान्हवीला तिच्या पहिल्या चित्रपटासाठी शुभेच्छा दिल्या. The #DhadakTrailer looks so so so good!!! So excited for Janhvi & Ishaan. @DharmaMovies @ShashankKhaitan you rock. All the best to the entire team! @karanjohar — Shraddha (@ShraddhaKapoor) June 11, 2018 Welcome to this crazy beautiful world Jhanvi and Ishaan ou both are so good.Loved the trailer @ShashankKhaitan @karanjohar Can’t wait #DhadakTrailer — bhumi pednekar (@psbhumi) June 11, 2018 Wow ! #Dhadak looks awesome @karanjohar It has so many emotions rolled into one ! All the best to #Janvi #Ishaan #Shashank& everyone involved in it’s making. I have a sneaky feeling it’s going to break all out hearts. #lovestory #innocence #firstlove @apoorvamehta18 — Preity G Zinta (@realpreityzinta) June 11, 2018 Make way for these two sparkling ACTORS #Jahnvi & #Ishaan are pure magic in the dhadak trailer!!! And my dear friend @ShashankKhaitan you are just the best.. I am soo excited for this one. And if I may say so.. Super proud if you #DhadakTrailer — Alia Bhatt (@aliaa08) June 11, 2018 शशांक खैतान दिग्दर्शित हा चित्रपट २० जुलै रोजी प्रदर्शित होत आहे. यामध्ये जान्हवी आणि इशान खट्टरसोबतच ऐश्वर्या नारकर, आशुतोष राणा यांच्याही महत्त्वपूर्ण भूमिका आहेत. तर 'सैराट'मधल्या संगीताची जादू 'धडक'मध्येही पाहायला मिळते. हिंदी 'झिंगाट' गाण्यावर जान्हवी आणि इशान थिरकताना या ट्रेलरमध्ये दिसतात. त्यामुळे आता 'सैराट'प्रमाणेच हा चित्रपटसुद्धा प्रेक्षकांना याड लावेल का हे पाहणं औत्सुक्याचं ठरणार आहे.