हंसिका मोटवानीने बॉयफ्रेंडशी बांधली लग्नगाठ; जंगी विवाहसोहळ्याचे फोटो व्हायरल |Hansika Motwani Sohail Khaturiya wedding photos | Loksatta

हंसिका मोटवानीने बॉयफ्रेंडशी बांधली लग्नगाठ; जंगी विवाहसोहळ्याचे फोटो व्हायरल

जयपूरमध्ये शाही विवाहसोहळ्यात हंसिकाने केलं सोहेलशी लग्न,पाहा खास फोटो

हंसिका मोटवानीने बॉयफ्रेंडशी बांधली लग्नगाठ; जंगी विवाहसोहळ्याचे फोटो व्हायरल

दाक्षिणात्य अभिनेत्री हंसिका मोटवानीच्या लग्नाच्या चर्चा मागच्या अनेक दिवसांपासून सुरू होत्या. अखेर ४ डिसेंबर रोजी हंसिकाने बॉयफ्रेंड सोहेल खातुरियाशी लग्नगाठ बांधली आहे. राजस्थानमध्ये जयपूरच्या एका किल्ल्यात जंगी सोहळ्यात हंसिका आणि सोहेल विवाहबंधनात अडकले. दोघाच्या लग्नाचे फोटो सोशल मीडियावर व्हायरल होत आहेत. सोहेल आणि हंसिका दोघेही लग्नात खूप सुंदर दिसत होते.

अभिनेत्री हंसिका मोटवानीला आयफेल टॉवरसमोर प्रपोज करणारा सोहेल खातुरिया आहे तरी कोण?

गेल्या आठवडाभरापासून हंसिका आणि सोहेल यांच्या लग्नाची तयारी सुरू होती. अभिनेत्रीने तिच्या लग्नाआधीच्या सर्व फंक्शनचे फोटो सोशल मीडियावर शेअर केले होते. मेंहदी आणि संगीत कार्यक्रमात ती खूप सुंदर होती. प्रत्येक फोटोमध्ये ती थाटामाटात लग्न एंजॉ करताना दिसत होती. रविवारी हंसिका आणि सोहेलचं अखेर लग्न झालं असून तिच्या अभिनेत्रीच्या लग्नाचे काही फोटो व व्हिडीओ समोर आले आहेत.

अभिनेत्री हंसिका मोटवानीने लग्नाच्या या खास दिवसासाठी लाल रंगाचा लेहेंगा निवडला होता. तिने त्या लेहेंग्यासोबत मॅचिंग दागिने घातले आहेत. यासोबतच नाकात नथ घालून तिचा ब्रायडल लूक कंप्लीट केला. तर, सोहेलने गोल्डन शेरवानी परिधान केली होती.

दरम्यान, सोहेलने २ नोव्हेंबर रोजी पॅरिसच्या आयफिल टॉवरसमोर गुडघ्यावर बसून हंसिकाला प्रपोज केलं होतं. हंसिकाने तिच्या इन्स्टाग्रामवरून फोटो शेअर करत तिच्या एंगेजमेंटची माहिती दिली होती. माध्यमांमधील रिपोर्ट्सनुसार, सोहेल हा मुबईचा असून तो उद्योजक आहे. हंसिका आणि सोहेल खातुरिया अनेक वर्षांपासून एकमेकांना ओळखतात आणि चांगले मित्र आहेत. ते दोघेही बिझनेस पार्टनर आहेत. त्यांनी एकमेकांबरोबर अनेक इव्हेंट केले आहेत. दोघेही एकत्र काम करत असताना एकमेकांच्या प्रेमात पडले आणि आता लग्न केलं.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 05-12-2022 at 10:06 IST
Next Story
विजय सेतुपतीच्या चित्रपटाच्या शूटिंगदरम्यान मोठा अपघात, क्रेनची दोरी तुटल्याने स्टंटमॅन २० फुटांवरुन खाली कोसळला