सध्या सबंध ‘बी टाऊन’मध्ये करीना आणि सैफ अली खान या नवाबी जोडप्यावर चहुबाजूंनी शुभेच्छांचा वर्षाव होत आहे. शुभेच्छांचा वर्षाव होत असतानाच त्यात आणखी एका निरागस शुभेच्छेची भर पडली आहे. या शुभेच्छेला ‘निरागस’ संबोधण्याचे कारणंही तितकेच गोड आहे. ‘बजरंगी भाईजान’ फेम हर्षाली मल्होत्रा, अर्थात ‘मुन्नी’नेही करीनाच्या आई होण्याची माहीती मिळताच तिच्या आईकडे ‘आपण कधी जायचे बाळाला भेटायला?’ अशा निरागस प्रश्नाचा तगादा लावला. ‘बजरंगी भाईजान’ चित्रपटाच्या चित्रीकरणादरम्यान ‘हर्षाली माझीच मुलगी वाटते’ असे करीना म्हणाली होती, ही एक आठवणही यावेळी हर्षालीच्या आईने सांगितली.