बॉलिवूड अभिनेत्री कतरिना कैफ आणि विकी कौशल ९ डिसेंबर रोजी लग्न बंधनात अडकणार आहेत. राजस्थानमधील एका किल्ल्यावर त्यांचा शाही विवाहसोहळा पार पडणार आहे. विकी आणि कतरिनाच्या लग्नासाठी सर्व कुटुंबीय राजस्थानला पोहोचले आहेत. अनेक कलाकार देखील त्यांच्या लग्नाला हजेरी लावणार आहेत. अशातच बॉलिवूडचा भाईजान सलमान खान कतरिनाच्या लग्नाला जाणार की नाही? हा प्रश्न सर्वांना पडला आहे. सलमान खानचा बॉडीगार्ड शेराने कतरिनाच्या लग्नाच्या सिक्योरिटीची जबाबदारी घेतली आहे. शेरा याकडे विशेष लक्ष देणार असल्याचे म्हटले जात आहे. गेल्या काही दिवसांपासून कतरिनाने सलमान खानला लग्नाचे आमंत्रण दिलेले नाही अशा चर्चा रंगल्या होत्या. सलमानची बहिण अर्पिताने खान शर्माने एका मुलाखतीमध्ये कतरिनाने लग्नाचे आमंत्रण दिले नसल्याचे स्पष्ट केले.आणखी वाचा : कतरिना कैफ आणि विकी कौशलच्या लग्नावर सलीम खान यांची प्रतिक्रिया, म्हणाले… ईटाइम्सने दिलेल्या वृत्तानुसार, सलमान खानची Da-bangg टूर सुरु होत आहे. १० डिसेंबर रोजी रियाधमध्ये त्याला परफॉर्म करायचे आहे. सलमान खान आणि त्याचा बॉडीगार्ड शेरा रियाधमध्ये असणार आहेत. त्यामुळे सलमान कतरिनाच्या लग्नाला जाणार नसल्याचे समोर आले आहे. ६ डिसेंबर पासून सलमानने 'टायगर ३'चे चित्रीकरण पुन्हा सुरु केल्याचे म्हटले जात आहे. शूटिंगमधून वेळ काढून तो रियाध टूरला जाणार आहे. सूत्रांनी ईटाइम्सला दिलेल्या माहिती नुसार, सलमान बुधवारी ८ डिसेंबर रोजी रियाधला असणार आहे आणि त्यामुळे कतरिनाच्या लग्नाला जाण्याचा प्रश्नच येत नाही.
