बॉलिवूड अभिनेता हृतिक रोशन आणि सुझान खान यांचा घटस्फोट झाला असला तरी त्यांच्यामध्ये चांगले मैत्रीचे नाते असल्याचे पाहायला मिळते. ते दोघे मुलांसाठी नेहमी एकत्र वेळ घालवताना दिसतात. ते सतत सोशल मीडियावर मुलांसोबत वेळ घालवतानाचे फोटो देखील शेअर करताना दिसतात. आता हृतिकने त्याचा एक फोटो सोशल मीडियावर शेअर केला असून चर्चेत आहे. या फोटोवर सुझानने कमेंट करत सर्वांचे लक्ष वेधून घेतले आहे. हृतिकने त्याच्या इन्स्टाग्राम अकाऊंटवर शर्टलेस फोटो शेअर केला आहे. या फोटोमध्ये त्याने गळ्यात स्कार्फ, ब्लॅक कॅप आणि सनग्लासेस लावले असल्याचे दिसत आहे. हृतिकच्या या लूकवर अनेकजण फिदा झाले आहेत. चाहत्यांनी त्याच्या या फोटोवर कमेंटचा वर्षाव केला आहे. दरम्यान हृतिकची एक्स वाइफ सुझान खानने देखील कमेंट केली आहे. सुझानच्या कमेंटने सर्वांचे लक्ष वेधून घेतले आहे. आणखी वाचा : लग्नाच्या दोन महिन्यांमध्येच सुगंधा आणि संकेतमध्ये झाले भांडण 'तू २१ वर्षांचाच वाटतोय' असे सुझानने कमेंटमध्ये म्हटले आहे. सुझानसोबतच अनिल कपूर यांनी देखील हृतिकच्या पोस्टवर कमेंट केली आहे. सध्या हृतिकचा हा फोटो सोशल मीडियावर तुफान व्हायरल झाला आहे. जवळपास २० लाख लोकांनी लाइक केला आहे. गेल्या वर्षी हृतिकचा 'वॉर' हा चित्रपट प्रदर्शित झाला होता. या चित्रपटात हृतिकसोबत अभिनेता टायगर श्रॉफ मुख्य भूमिकेत दिसला होता. त्यांचा हा चित्रपट हिट ठरला होता. आता लवकरच हृतिकचा 'क्रिश ४' हा चित्रपट येणार आहे. काही दिवसांपूर्वीच त्याने या चित्रपटाची घोषणा करत टीझर शेअर केला आहे.