‘इंडियाज गॉट टॅलेंट’चा प्रत्येक नव्या प्रोमोमध्ये कलाकारांचं टॅलेंट पाहायला मिळतं. मागच्या काही एपिसोडमध्ये कोणी ड्रिलिंग मशिननं स्वतःला हार्म करताना दिसले. तर कोणी स्वतःलाच आग लावून दाखवलं. पण आता या शोमध्ये असंच काहीसं घडलं. एका स्पर्धकानं असं काही केलं की शोच्या परीक्षक किरण खेर यांचा पारच चढला. त्यांनी रिजेक्शनचा बझर वाजवत त्या स्पर्धकाला शोमधून बाहेर जाण्यास सांगितलं.

नुकत्याच प्रसारित झालेल्या या प्रोमोमध्ये एक मनिष नावाचा स्पर्धक रंगीत ज्यूसच्या बॉटल्स घेऊन येतो. जे पाहिल्यानंतर सर्वजण हैराण होतात. मनिष नेमकं काय करणार याचा विचार ते करतात. तेवढ्यात शोचा परीक्षक बादशाह त्याला याची किंमत विचारतो. तर मनिष २०० रुपये एवढी किंमत असल्याचं सांगतो. ज्यूस एवढा महाग आहे हे ऐकल्यानंतर सर्वच परीक्षक हैराण होतात. जेव्हा हा ज्यूस एवढा महाग का आहे असं बादशाह त्याला विचारतो तेव्हा मनिष सांगतो की, ‘मी कोलाचं पाणी वेगळ्या पद्धतीने तयार करतो.’ त्यानंतर तो आपलं टॅलेंट दाखवायला सुरुवात करतो.

Death of mother and son due to contact with electric wire installed in the field in Boisar
बोईसर: शेतामध्ये लावलेल्या विद्युत तारेचा स्पर्श होऊन आई- मुलाचा मृत्यू
Kane Williamson being run out Video Viral
NZ vs AUS : केन विल्यमसन सहकारी खेळाडूला धडकला, अन् १२ वर्षात पहिल्यांदाच घडलं ‘असं’, VIDEO होतोय व्हायरल
Viral video IndiGo air hostess heartwarming surprise for brother who joined same airline melts hearts
भावाला इंडिगोमध्ये नोकरी मिळाली, एअरहोस्टेस बहिणीने दिले सरप्राईज, हृदयस्पर्शी व्हिडिओने जिंकले नेटकऱ्यांचे मन
vicky kaushal reveals he changed after marrying with katrina kaif
“गेल्या ३३ वर्षांत मी कधीच…” कतरिनाबरोबरच्या नात्याबाबत विकी कौशलने पहिल्यांदाच केले भाष्य, म्हणाला, “आता पहिल्यासारखं…”

आपलं टॅलेंट दाखवत असताना तो काचेच्या ग्लासमध्ये लाल आणि काळ्या रंगाचं पाणी भरुन घेतो आणि एका मागोमाग एक ते पाणी तो पितो. पण त्यानंतर तो जे काही करतो ते सर्वांनाच हैराण करणारं होतं. मनिष पहिल्यांदा आपल्या तोंडावाटे हिरव्या रंगाचं पाणी बाहेर काढतो तर दुसऱ्या वेळी तो लाल रंगाचं पाणी काढतो. जे पाहिल्यावर सर्वांनाच या सगळ्याची किळस वाटते. एवढंच नाही तर परीक्षक किरण खेर यांच्या रागाचा तर पाराच चढतो. त्या लगेचच रिजेक्शनचा बझर वाजवून त्याला थांबवतात.

किरण खेर रागात त्याला सांगतात, ‘एवढा वेळ इथे बसून आम्ही तुझ्या हिरव्या, लाल, निळ्या उलट्या पाहू शकत नाही. २०० रुपयात तू उलटी विकत आहेस आणि तेही सूट-बूट घालून. पंजाबीमध्ये याला म्हणतात- ‘दूर फिटे मुंह’ किरण खेर यांचं बोलणं ऐकून शिल्पा शेट्टी, मनोज मुंतशिर आणि बादशाह हसू लागतात आणि मनिष तिथून निघून जातो.