’83’ च्या ट्रेलरमध्ये सचिन तेंडूलकरला पाहिलतं का? ‘त्या’ सीनची सोशल मीडियावर जोरदार चर्चा

नेटकऱ्यांनी सोशल मीडियावर पोस्ट शेअर करत ट्रेलरमध्ये सचिन असल्याचे म्हटले आहे.

बहुचर्चीत आणि बहुप्रतिक्षित अशा लंडनमधील लॉर्ड्सच्या मैदानावर भारतीय संघाने २५ जून १९८३ रोजी इतिहासावर आधारीत ’83’ हा चित्रपट आहे. कालच चित्रपटाचा ट्रेलर प्रदर्शित झाला आहे. तो पाहिल्यावर चाहत्यांमध्ये चित्रपटाबाबतची उत्सुकता शिगेला पोहोचली होती.

ट्रेलर प्रेक्षकांच्या पसंतीस उतरला असून यावर कौतुकांचा वर्षाव होतं आहे. मात्र, या सगळ्यात प्रेक्षकांचे लक्ष हे ट्रेलरमध्ये असलेल्या एका मुलाने वेधले आहे. नेटकऱ्यांच्या मते ट्रेलरच्या ३ ऱ्या मिनिटाला जो मुलगा एका पुरुषाच्या खांद्यावर दिसत आहेत तो कुरळे केसांचा मुलगा हा दुसरा कोणी नसून सचिन तेंडुलकर असल्याची चर्चा सध्या सोशल मीडियावर आहे. तर सचिनने बऱ्याच मुलाखतींमध्ये आधी सांगितलं होतं की १९८३ च्या वर्ल्ड कपने त्याचे आयुष्यच बदलून टाकले होते. एवढचं काय तर यामुळे त्याने क्रिकेट खेळायला सुरुवात केली होती.

आणखी वाचा : आपण एवढे श्रीमंत का आहोत? अक्षयच्या मुलाने विचारला होता प्रश्न, ट्विंकल म्हणाली…

यावर नेटकऱ्यांनी अनेक पोस्ट देखील केल्या आहेत. कारण जेव्हा १९८३ मध्ये आपण वर्ल्ड कप जिंकला तेव्हा सचिन १० वर्षांचा होता आणि ट्रेलरमधला मुलगा ही तेवढाच दिसत आहे. त्यामुळे आता नेटकऱ्यांच्या या सोशल मीडिया पोस्ट प्रचंड व्हायरल होताना दिसत आहे.

आणखी वाचा : शाल्मलीने बॉयफ्रेंड फरहान शेखसोबत बांधली लग्नगाठ!

एक नेटकरी ट्वीट करत म्हणाला, “मी चुकीचा असू शकतो, पण तरीही पैज लावण्यासाठी तयार आहे. जो हा १० वर्षांचा मुलगा दाखवण्यात आला आहे हा सचिन तेंडुलकर आहे. जर हे खरं आहे तर या चित्रपटात फक्त खेळाच्या मैदानावर काय झालं हेच दाखवलं जाणार नाही तर त्या पलिकडे जाऊन यामुळे एका पिढीला कशी प्रेरणा मिळाली ते देखील पाहायला मिळेल.” दुसरा नेटकरी म्हणाला, “मला असं वाटतयं की मी 83 मध्ये सचिनला विजयसोबत वर्ल्डकप जिंकल्याच्या आनंदात नाचताना पाहिलं.” तिसरा नेटकरी म्हणाला, “सचिन तेंडूलकर 83 च्या ट्रेलरमध्ये.”

’83’ या चित्रपटाच्या दिग्दर्शनाची धुरा चित्रपट दिग्दर्शक कबीर खान सांभाळली आहे. चित्रपटाच्या टीममध्ये रणवीर सिंग, एमी विर्क, चिराग पाटील ,साकीब सलीम ,ताहिर भसीन ,जतिन सरना ,जीवा, आदिनाथ कोठारे, साहिल खट्टर,पंकज त्रिपाठी हे कलाकार मुख्य भूमिकेत झळकणार आहेत. तसेच अभिनेत्री दीपिका पादूकोण कपिल देव यांच्या पत्नी रोमी यांच्या भूमिकेत दिसणार आहे. आता चाहते चित्रपटाच्या प्रदर्शनाची आतुरतेने वाट पाहात आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Is that sachin tendulkar in ranveer singh s 83 movie trailer twitter dcp

Next Story
२०० कोटींच्या घोटाळ्यातील आरोपी सुकेश चंद्रशेखरसोबतचा जॅकलिनचा रोमँटिक फोटो पुन्हा व्हायरल
फोटो गॅलरी