२००३ मध्ये ‘इश्क विश्क’ हा चित्रपट प्रदर्शित झाला होता. नव्या पिढीच्या प्रेमाची परिभाषा उलगडून सांगणारा हा चित्रपट चांगलाच लोकप्रिय झाला होता. आता दशकभरानंतर पुन्हा हीच प्रेमाची भाषा नव्या रंगात, नव्या ढंगात ‘इश्क विश्क रिबाउंड’ या चित्रपटातून पाहायला मिळणार आहे. या चित्रपटाचं दिग्दर्शन निपुण अविनाश धर्माधिकारीने केले आहे ही आपल्या दृष्टीने आणखी एक खास गोष्ट. या चित्रपटात नायकाच्या भूमिकेत असलेल्या अभिनेता रोहित सराफने याआधी ‘मिसमॅच’ या वेबमालिकेच्या निमित्ताने निपुणबरोबर काम केले आहे. निपुणच्या प्रयोगशील दिग्दर्शनशैलीचे कौतुक करतानाच सतत प्रयोग करत राहण्यातूनच उत्तम कलाकृती साधते, असे मत रोहितने व्यक्त केले.

‘इश्क विश्क रिबाउंड’ या चित्रपटात अभिनेता रोहित सराफबरोबरच जिब्रान खान , पश्मिना रोशन आणि नाइला ग्रेवाल यांच्या मुख्य भूमिका आहेत. या चित्रपटातील आपल्या भूमिकेबद्दल ‘लोकसत्ता’शी बोलताना रोहितने राघव ही व्यक्तिरेखा आपल्यापेक्षा पूर्णत: वेगळ्या स्वभावाची असल्याचं सांगितलं. आपल्या मित्रांना कुठल्याही गोष्टीसाठी नाही म्हणू न शकण्याच्या स्वभावामुळे राघवच्या आयुष्यात अनेक समस्या येतात. अनेकदा तो आपल्या मर्यादा विसरून वाहवत जातो. मी राघवपेक्षा भिन्न स्वभावाचा असल्यानेच असेल पण ही भूमिका करताना आयुष्यात कसं असू नये वा काय करू नये हे या चित्रपटातून शिकायला मिळाल्याचं रोहितने सांगितलं.

Pawan Kalyan was the one who left me
“त्याने मला सोडलं आणि पुन्हा लग्न केलं”, ट्रोल करणाऱ्याला प्रसिद्ध अभिनेत्याच्या दुसऱ्या पत्नीने सुनावलं; म्हणाली, “अशी मूर्खासारखी…”
Amala Paul blessed with baby boy
Video: दुसऱ्या लग्नानंतर सात महिन्यांनी आई झाली अभिनेत्री, बाळाचं नावही ठेवलंय खूपच खास, पतीने शेअर केला व्हिडीओ
sai tamhankar bus incident
“बसने प्रवास करताना मागून एक हात शरीराभोवती आला अन् मी…”, सई ताम्हणकरने सांगितला धक्कादायक प्रसंग
Sai Tamhankar on divorce party with Ex Husband
“आम्ही दारू प्यायलो अन्…”, घटस्फोटानंतर पतीसह केलेल्या पार्टीबद्दल सई ताम्हणकरचे विधान; नात्यातील फसवणुकीबद्दल म्हणाली…
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
anshuman singh wife smruti singh
शहीद कॅप्टन अंशुमन सिंह यांच्या पत्नी स्मृती सिंह चर्चेत कशा आल्या? त्यांच्यावरील अश्लील शेरेबाजीचा वाद काय?
Marathi Actor Saurabh Gokhale criticized anant ambani and Radhika merchant sangeet ceremony
“धनाढ्य कुटुंबातील…”, अनंत अंबानी-राधिका मर्चंटच्या संगीत सोहळ्याची मराठी अभिनेत्याने उडवली खिल्ली, म्हणाला, “मला माझ्या छोट्या…”
Popular Marathi Director Sameer Vidwans Haldi Ceremony Photos Viral
प्रसिद्ध दिग्दर्शक समीर विद्वांस यांना लागली हळद, फोटो आले समोर

हेही वाचा >>> इतिहासात लुप्त झालेली धैर्यकथा

या चित्रपटाच्या निमित्ताने शाहिद कपूर आणि त्याची तुलना केली जात असल्याबद्दल त्याला प्रश्न विचारताच शाहिदबरोबर तुलना होणं ही खूप मोठी गोष्ट असल्याचे त्याने सांगितले. शाहिद कपूर एक उत्तम अभिनेता आणि नर्तक आहे. त्यामुळे त्याच्यासारखं प्रेम मलाही प्रेक्षकांकडून मिळतं आहे याचा आनंद होतो आहे, पण हे दोन्ही चित्रपट फार वेगळे आहेत. तरुणांच्या विचारसरणीवर आधारित हे दोन्ही चित्रपट असले तरी त्याचे विषय आणि मांडणी पूर्ण भिन्न असल्याचे त्याने स्पष्ट केले.

निपुणबरोबर काम करतानाच्या अनुभवाविषयी बोलताना प्रत्येक दृश्याची तालीम उत्तम करून घेण्याच्या त्यांच्या पद्धतीचा अधिक फायदा झाल्याचे त्याने सांगितले. त्यांना आम्ही दृश्यात काही बदल किंवा नवीन काही सुचवले तर ते करून पाहण्यासाठी त्यांनी आम्हाला कधीच थांबवले नाही. प्रयोगशील राहण्याकडे त्यांचा अधिक कल आहे, अशा शब्दांत त्याने कौतुक केले.

माझा कल हा मोजके पण उत्तम चित्रपट साकारण्याकडे आहे. त्या दृष्टीने मी माझ्या चित्रपटांची निवड करतो, कारण मी करत असलेले प्रत्येक काम हे आधीच्या कामापेक्षा उत्तम व्हावे हा माझा प्रयत्न असतो. त्यामुळे कथेत महत्त्वाचा भाग असलेली व्यक्तिरेखा साकारायला मला आवडते. रोहित सराफ