Jani Master: राष्ट्रीय पुरस्कार विजेत्या कोरिओग्राफरला पोलिसांनी अल्पवयीन मुलीवर बलात्कार केल्या प्रकरणी अटक केली. जानी मास्टर असं या कोरिओग्राफरचं नाव आहे. टॉलिवूड म्हणजेच दाक्षिणात्य सिनेसृष्टीतला तो प्रसिद्ध कोरिओग्राफर आहे. त्याच्या विरोधात काही दिवसांपूर्वी २१ वर्षीय मुलीने लैंगिक शोषणची तक्रार नोंदवली होती. आता याच जानी मास्टरला ( Jani Master ) अल्पवयीन मुलीवर बलात्कार केल्या प्रकरणी अटक करण्यात आली आहे. बंगळुरु पोलिसांनी ही कारवाई केली आहे. जानी मास्टर हा टॉलिवूडचा सुप्रसिद्ध कोरिओग्राफर आहे.
१६ सप्टेंबरला पीडितेची तक्रार
१६ सप्टेंबरला जानी मास्टर ( Jani Master ) या कोरिओग्राफरच्या विरोधात २१ वर्षीय महिलेने तक्रार केली. जानी मास्टरने लैंगिक शोषण केल्याचा आरोप या महिलेने केला. या महिलने तक्रारीत म्हटलं आहे की जानी मास्टर मागची सहा वर्षांपासून तिचं शोषण करत होता. आऊट डोअर शुटिंगला गेलो असताना, घरी बोलवून, जवळपासच्या शहरांमध्ये नेऊन जानी मास्टरने ( Jani Master ) शोषण केलं असा आरोप या महिलेने केला आहे.
हे पण वाचा- नालासोपार्‍यात सामूहिक बलात्काराची चौथी घटना, चाकूचा धाक दाखवून विवाहितेवर सामूहिक बलात्कार
महिलेचं शोषण सुरु झालं तेव्हा ती अल्पवयीन होती त्यामुळे पॉक्सो अंतर्गत गुन्हा दाखल
या प्रकरणातच पॉक्सो कायद्यातंर्गत जॉनी मास्टर ( Jani Master ) विरोधात गुन्हा दाखल करण्यात आला. कारण जेव्हा महिलेचं शोषण सुरु झालं तेव्हा ती अल्पवयीन होती. आता या प्रकरणात जानी मास्टरची चौकशी पोलिसांकडून सुरु करण्यात आली आहे. जानी मास्टरच्या विरोधात कलम ३७६ (२), ३२३, कलम ५०६ या कलमान्वये गुन्हा नोंदवण्यात आला आहे. पोलिसांनी म्हटलं आहे की तक्रार करणाऱ्या महिलेचं शोषण जानी मास्टरने तेव्हापासून सुरु केलं जेव्हापासून ती अल्पवयीन होती. त्यामुळे आता राष्ट्रीय पुरस्कार विजेत्या कोरिओग्राफरच्या अडचणी वाढल्या आहेत.
जानी मास्टर कोण आहे?
जानी मास्टर ( Jani Master ) हा टॉलिवूडचा सुप्रसिद्ध कोरिओग्राफर आहे. जेलर या सिनेमातलं कावाला हे गाणं त्याने कोरिग्राफ केलं आहे.जानी मास्टरने या सगळ्या प्रकरणावर मौन बाळगलं आहे. तसंच अनेक चित्रपटही त्याने सोडले आहेत. या कोरिओग्राफरने आत्तापर्यंत विविध चित्रपटांमधली गाणी कोरिओग्राफ केली आहेत.
पीडितेने ४० पानं लिहित सांगितली आपबिती
पोलिसांनी या प्रकरणात पीडितेची तक्रार नोंदवली त्याबाबत असंही सांगितलं आहे की तिने ४० पानं लिहित तिची आपबिती सांगितली आहे. राज्य महिला आयोगाला ४० पानं सोपवण्यात आली आहेत. यामध्ये पीडितेने पुराव्यांसह काय काय घडलं ते सांगितलं आहे. आता या सगळ्या प्रकरणामुळे जानी मास्टरच्या अडचणी वाढल्या आहेत.
