उत्तम अभिनयशैली आणि संवादकौशल्य यांच्या जोरावर प्रेक्षकांच्या मनावर राज्य करणारा अभिनेता जितेंद्र जोशी याने अलिकडेच ‘लोकसत्ता डिजिटल अड्डा’वर हजेरी लावली होती. यावेळी त्याने आयुष्यात आलेले चढ-उतार, करिअरची सुरुवात आणि कलाविश्वातील त्याच्या संपूर्ण प्रवासाविषय़ी अनेक गोष्टींचा उलगडा केला. तसंच समाजात घडणाऱ्या अनेक घटनांवरही त्याने रोकठोकपणे मत व्यक्त केलं.

पाहा मुलाखत –

नाटक, सिनेमा, मालिका आणि त्यानंतर वेबसीरिज अशा विविध माध्यमांतून प्रेक्षकांच्या भेटीला आलेल्या जितेंद्रने ‘सेक्रेड गेम्स’मध्ये काटेकर ही भूमिका साकारत अनेकांची मनं जिंकली आहेत. त्यामुळे आज त्याचा प्रचंड मोठा चाहतावर्ग असल्याचं दिसून येतं.