कॉमेडियन भारती सिंहपाठोपाठ बॉलिवूड अभिनेत्री काजल अग्रवाल आई बनली आहे. नुकतंच काजल अग्रवाल आणि गौतम किचलू यांच्या घरी छोट्या पाहुण्याचे आगमन झाले आहे. काजल अग्रवालने मुलाला जन्म दिला आहे. त्यामुळे तिच्या चाहत्यांमध्ये आनंदाचे वातावरण पाहायला मिळत आहे. अनेकांनी त्यांना सोशल मीडियाद्वारे शुभेच्छा दिल्या आहेत. ‘सिंघम’ चित्रपटातून अनेकांच्या मनात घर करणारी अभिनेत्री म्हणून काजल अग्रवालला ओळखले जाते. तिने २०२० मध्ये उद्योगपती गौतम किचलूशी लग्न केले. लग्नानंतर दोन वर्षांनी ते आता ते दोघेही आई-बाबा बनले आहेत. काजल आणि गौतमच्या घरी एक छोटा पाहुणा आल्याची माहिती समोर येत आहे. मात्र अद्याप त्या दोघांनी याबाबत काहीही माहिती दिलेली नाही. “व्हायरस परत आलाय…!!!” अभिनेत्री मुक्ता बर्वेची ‘ती’ पोस्ट चर्चेत 'बॉलिवूड बबल'ने दिलेल्या रिपोर्टनुसार, काजल अग्रवालने नुकतंच मुलाला जन्म दिला आहे. काजल आणि गौतमचे हे पहिलेच बाळ आहे. त्यामुळे ते दोघेही फार खूश आहेत. मात्र, या वृत्ताला काजल आणि गौतमकडून अद्याप दुजोरा मिळालेला नाही. तसेच तिने बाळाला कधी जन्म दिला, काजलची तसेच बाळाची प्रकृती कशी आहे याबद्दल कोणतीही माहिती समोर आलेली नाही. पण ही बातमी मिळाल्यानंतर अनेक चाहत्यांनी तिला शुभेच्छा दिल्या आहेत. स्वयंपाकघरात काम करत असताना अभिनेत्री ऋतुजा बागवे झाली जखमी, म्हणाली “माझा चेहरा…” काजल आणि गौतम यांनी ३० ऑक्टोबर २०२० रोजी लग्न केले. मोठ्या थाटामाटात त्यांचा विवाहसोहळा पार पडला. काही कलाकरांनी देखील त्यांच्या लग्नाला हजेरी लावली होती. काजल आणि गौतम जवळपास ७ वर्षे एकमेकांना डेट करत होते. त्यानंतर त्यांनी लग्न करण्याचा निर्णय घेतला होता. ती नेहमी तिच्या पतीसोबतचे फोटो सोशल मीडियावर नेहमी शेअर करताना दिसते.
