अभिनेत्री कंगना रणौतचा शेवटचा ‘धाकड’ चित्रपट प्रदर्शित झाला. मात्र तिचा हा चित्रपट सुपरफ्लॉप ठरला. प्रदर्शनाच्या पहिल्याच दिवशी या चित्रपटाने २ कोटी रुपयांचा पल्ला देखील गाठला नाही. आता तिचा आगामी 'तेजस' चित्रपट प्रदर्शनाच्या मार्गावर आहे. पण हा चित्रपट चित्रपटगृहांमध्ये प्रदर्शित होणार नसल्याचं बोललं जातंय. कंगनाला मिळालेल्या अपयशानंतर 'तेजस' ओटीटी प्लॅटफॉर्मवर प्रदर्शित होणार असल्याची चर्चा आहे. आणखी वाचा - दाक्षिणात्य अभिनेत्यासमोर अक्षय कुमारही ठरला फ्लॉप, बॉक्स ऑफिसवर कोणत्या चित्रपटाने मारली बाजी? बॉलिवूड हंगामाच्या रिपोर्टनुसार, ‘धाकड’च्या अपयशानंतर 'तेजस' चित्रपट मोठ्या पडद्यावर प्रदर्शित न करण्याचं या चित्रपटाच्या निर्मात्यांनी ठरवलं आहे. कंगनाच्या गेल्या काही चित्रपटांना मिळत असलेलं अपयश पाहता हा निर्णय घेण्यात आला आहे. तसेच या चित्रपटाचा काही भाग पुन्हा एकदा चित्रीत करण्यात येणार आहे. आणखी वाचा - VIDEO : ऐश्वर्या व मुलगी आराध्यासमोर बेभान होऊन नाचला अभिषेक बच्चन, पत्नीलाही नवऱ्याचं कौतुक अद्याप चित्रपट कधी प्रदर्शित होणार? तसेच कोणत्या ओटीटी प्लॅटफॉर्मवर हा चित्रपट प्रदर्शित होईल? याची घोषणा करण्यात आली नाही. पण आता 'तेजस' चित्रंपटाबाबत सुरु असलेल्या चर्चांवर या चित्रपटाच्या प्रॉडक्शन हाऊसने स्पष्टीकरण दिलं आहे. "या चित्रपटाचं चित्रीकरण अजूनही बाकी आहे. चित्रपट प्रदर्शित होण्यापूर्वी सगळं चित्रीकरण पूर्ण करण्यात येईल. तसेच ५ ऑक्टोबरला हा चित्रपट बॉक्स ऑफिसवर दाखल होईल. " असं तेजसच्या निर्मात्यांनी म्हटलं आहे. सर्वेश मारवा दिग्दर्शित या चित्रपटात कंगना भारतीय हवाई दलाच्या अधिकारीची भूमिका साकारताना दिसणार आहे. कंगना सध्या तिच्या आगामी चित्रपटांच्या चित्रीकरणामध्ये व्यस्त आहे. कंगनाने ‘धाकड’साठी केलेली मेहनत पूर्णपणे अपयशी ठरली. पण तिचे पुढील चित्रपट तरी बॉक्स ऑफिसवर कमाल कामगिरी करणार का? हे पाहावं लागेल.
