काही दिवसांपूर्वी कॉमेडियन कपिल शर्माच्या बायोपिकची घोषणा झाली. त्यानंतर तो सातत्यानं सोशल मीडियावर चर्चेत आहे. कपिल शर्मा शोच्या यशस्वी कमबॅकनंतर आता लवकरच कपिल ओटीटी प्लॅटफॉर्मवरही पदार्पण करत आहे. त्याचा ‘आय एम नॉट डन यट’ हा शो लकरच नेटफ्लिक्सवर प्रसारित होणार आहे. पण त्याआधी कपिलनं त्याच्या खासगी आयुष्याबाबत एक खुलासा केला आहे. ज्यामुळे सध्या तो सोशल मीडियावर चर्चेत आहे.

कपिल शर्माचा आगामी शो ‘आय एम नॉट डन यट’चा नवा प्रोमो नुकताच प्रदर्शित झाला. या प्रोमोमध्ये कपिलनं त्याच्या खासगी आयुष्याबाबत मोठा खुलासा केला आहे. ‘पत्नी गिन्नी चतरथला लग्नासाठी प्रपोज केलं तेव्हा मी दारुच्या नशेत होतो.’ असं त्यानं या व्हिडीओमध्ये म्हटलं आहे. कपिलचा हा व्हिडीओ सध्या सोशल मीडियावर खूप व्हायरल होताना दिसत आहे.

Elders Recreate Butterfly Song Dance cute video goes Viral
आयुष्य हे मनसोक्त जगावं! ‘बटरफ्लाय’ गाण्यावर वृद्ध लोकांचा भन्नाट डान्स, डान्स स्टेप्स एकदा पाहाच, VIDEO व्हायरल
Sandhya Devanathan
व्यवसाय वाढीमध्ये ‘एआयʼची महत्त्वाची भूमिका, मेटाच्या व्यवस्थापकीय संचालक संध्या देवनाथन यांचे मत
Pakistani Singer Shazia Manzoor Slaps Co host on Live Show
पाकिस्तानी गायिकेला ‘हनिमून’ विषयी विचारला प्रश्न; लाइव्ह शोमध्येच होस्टच्या कानाखाली लगावली, पाहा धक्कादायक व्हिडीओ
Fact check on pm Narendra Modi waving hand to fish viral video
सुदर्शन सेतू उद्घाटनावेळी पंतप्रधान मोदींनी ‘माशांना’ दाखवला हात? जाणून घ्या, व्हायरल Video मागील सत्य

सोशल मीडियावर व्हायरल झालेल्या व्हिडीओमध्ये कपिल म्हणतो, ‘सर्व कलाकारांमध्ये गिन्नी मला खूप आवडत होती. आम्ही एकत्र थिएटर केलं होतं. त्यावेळी मी तिला बरीच काम देत असे. त्यासाठी ती मला कॉल करत असे आणि सांगत असे आज हे झालं, ते झालं. एकदा तिने मला असंच कॉल केला. त्यावेळी मी ऑफिसर्स चॉइस प्यायलो होतो. मी कॉल रिसिव्ह केला आणि तिला विचारलं तुझं माझ्यावर प्रेम आहे का? ती घाबरली आणि म्हणाली, काय? या व्यक्तीची हिंमत कशी झाली असं विचारण्याची? मला वाटतं बरं झालं मी त्यावेळी नशेत होतो. नाहीतर मी गिन्नीला हा प्रश्न विचारू शकलो नसतो.’

दरम्यान कपिल शर्माचा बायोपिक लवकरच प्रेक्षकांच्या भेटीला येणार आहे. याची घोषणा निर्माता महावीर जैन यांनी अलिकडेच केली आहे. कपिल शर्माच्या जीवनावर आधारित ‘फनकार’ या बायोपिकचं दिग्दर्शन मृगदीप सिंह लांबा करणार आहेत. कपिल शर्माच्या कामाबद्दल बोलायचं तर लवकरच त्याचा ‘कपिल शर्माः आय एम नॉट डन येट’ हा शो नेटफ्लिक्सवर प्रेक्षकांच्या भेटीला येणार आहे.